រូបភាពថ្មី Justin បង្ហាញភាពស្រស់សង្ហា តែ ត្រូវហ្វេនៗ បារម្ភ ពីរឿងនេះ

កម្សាន្ត៖ កាលពីថ្ងៃទី ៨ ខែមិថុនា កន្លងទៅនេះ យោងតាម ប្រភព PageSix បានរាយការណ៍ថា រូបភាពនៃការបង្ហាញខ្លួនចុងក្រោយរបស់ តារាចម្រៀង លោក Justin Bieber កំពុងធ្វើឱ្យសាធារណជនព្រួយបារម្ភ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងប្រុសរូបនេះ ទើបតែបានបង្ហាញខ្លួនចេញទៅក្រៅ ទាំងជើងដែលគេសង្ស័យថាមានរបួស ហើយត្រូវពាក់ការពារជង្គង់ និងមើលទៅរូបលោក មានរាងស្គម ហាក់បីដូចជាមិនសប្បាយចិត្តខ្លាំងណាស់។

យ៉ាងណាមិញ មិន​យូរ​ប៉ុន្មាន Justin Bieber បាន​បង្ក​ឱ្យ​មាន​ការ​ភ្ញាក់​ផ្អើល​ជា​ថ្មី​ម្តង​ទៀត​ នៅ​ពេល​ដែល​លោក​បាន​បង្ហោះ​រូប Selfie ដ៏​ច្របូកច្របល់ និង​ចម្លែក​ៗ ​នៅ​លើ​ទំព័រ​ផ្ទាល់​ខ្លួន​របស់​លោក។

តាម​ការ​បង្ហាញ​ខាងលើ​នេះ មហាជនជាច្រើន ​ជឿជាក់​ថា តារាចម្រៀង​ប្រុសរូបនេះ ​កំពុង​ជួប​បញ្ហា​អស្ថិរភាព​ផ្លូវចិត្ត​យ៉ាង​ធ្ងន់ធ្ងរ ។ អ្នកគាំទ្រជាច្រើនបានផ្តល់ដំបូន្មានដល់ Justin Bieber ឱ្យឈប់ប្រើប្រាស់បណ្តាញសង្គម ហើយក្នុងពេលជាមួយគ្នានោះ បានអង្វរសាច់ញាតិ និងមិត្តភក្តិឱ្យជួយរូបលោក ឱ្យបានឆាប់តាមដែលអាចធ្វើទៅបាន។

ថ្មីៗនេះ សកម្មភាពចម្លែកៗរបស់ Justin Bieber បានធ្វើឱ្យមានការព្រួយបារម្ភ មិនត្រឹមតែសុខភាពផ្លូវចិត្តរបស់លោក ប៉ុន្តែថែមទាំងទាក់ទងនឹងអាពាហ៍ពិពាហ៍របស់តារាចម្រៀងរូបនេះ ជាមួយតារាម៉ូដែល Hailey ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ