Chris Evans សារភាព ថា បានធ្វើរឿងមួយនេះ មុនពេល សុំរៀបការ ភរិយា

កម្សាន្ត៖ តារាសម្ដែងប្រុស លោក Chris Evans ដែលត្រូវបានគេស្គាល់ថា ជាតារាសម្ដែងរឿង «Captain America» បានបង្ហាញឱ្យដឹងថា រូបលោកបានហាត់សម មួយសប្តាហ៍មុនពេលស្នើសុំ ភរិយា របស់ខ្លួន ឈ្មោះ Alba Baptista រៀបការ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី ៧ ខែមិថុនា កន្លងទៅនេះ តារាសម្តែងប្រុសរូបនេះ បានចែករំលែកអំពីសំណើពិសេសរបស់ខ្លួន ទៅកាន់ កាសែត The Knot នៅពេលចូលរួមក្នុងពិធីផ្សព្វផ្សាយសម្រាប់ខ្សែភាពយន្តថ្មីរបស់ខ្លួន គឺ «Materialists» ។ Chris Evans បាននិយាយថា រូបលោកបានហាត់និយាយថា «តើអ្នករៀបការជាមួយខ្ញុំទេ?» ជាភាសាព័រទុយហ្គាល់ មួយសប្តាហ៍មុនពេលស្នើសុំ។ រូបលោកក៏និយាយលេងសើចដែរថា ខ្លួនស្ទើរតែនិយាយខុស ពេលកំពុងរៀបចំអាហារពេលព្រឹក ព្រោះឃ្លានេះបានបន្តចូលក្នុងក្បាលរបស់លោក។

តួឯករឿង «Captain America» បានសារភាពថា ខ្លួនពិតជាភ័យ និងមានអារម្មណ៍ថា ប្រហែលជានិយាយខុស ប៉ុន្តែលោកនៅតែមានទំនុកចិត្តថា លោកធ្វើបានល្អ នៅពេលដែលបានស្នើរសុំ ភរិយារបស់ខ្លួនរៀបការ។ យ៉ាងណាមិញ Chris Evans មិន​បាន​បង្ហាញ​ថា​ ពេល​ណា​ដែល​លោក​សុំភរិយា រៀបការនោះទេ។

គូស្វាមីភរិយាមួយគូនេះ ត្រូវបានគេរាយការណ៍ថា បានណាត់ជួបគ្នាជាលក្ខណៈឯកជនមួយរយៈ មុនពេលចេញជាសាធារណៈនៅឆ្នាំ ២០២២។ អ្នកទាំងពីរ បានរៀបការនៅផ្ទះរបស់ពួកគេក្នុងរដ្ឋ Massachusetts ក្នុងខែកញ្ញា ឆ្នាំ ២០២៣។ យោងតាម Page Six បានរាយការណ៍ថា ពិធីរៀបអាពាហ៍ពិពាហ៍ គឺជារឿងឯកជនយ៉ាងតឹងរ៉ឹង ដោយភ្ញៀវតម្រូវឱ្យចុះហត្ថលេខាលើកិច្ចព្រមព្រៀងរក្សាការសម្ងាត់ និងមិនប្រើទូរស័ព្ទរបស់ពួកគេផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ