កម្សាន្ត៖ តារាចម្រៀងស្រី Katy Perry និង គូស្នេហ៍ ដែលត្រូវបានគេស្គាល់ថា ជាតារាសម្តែង Orlando Bloom ត្រូវបានគេរាយការណ៍ថា កំពុងឆ្លងកាត់វិបត្តិ និងកំពុងប្រឈមមុខនឹងហានិភ័យ នៃការបែកបាក់គ្នា។
ប្រភពជិតស្និទ្ធនឹងគូស្នេហ៍មួយគូនេះ បានប្រាប់ ប្រភពព័ត៌មាន Page Six ថា «ទំនាក់ទំនងរបស់ពួកគេបានបញ្ចប់។ ពួកគេកំពុងរង់ចាំដំណើរកម្សាន្តរបស់នាងបញ្ចប់ មុនពេលបែកគ្នាជាផ្លូវការ» ។ ដំណើរកម្សាន្ត Lifetimes របស់ Katy Perry បានចាប់ផ្តើម នៅថ្ងៃទី ២៣ ខែមេសា ហើយនឹងបន្តរហូតដល់ថ្ងៃទី ៧ ខែធ្នូ។
មិនត្រឹមតែប៉ុណ្ណោះ ខាងប្រភព People បានរាយការណ៍ថា កាលពីដើមសប្តាហ៍នេះថា ការទទួលភ្ញៀវមិនបានល្អពីទស្សនិកជន សម្រាប់អាល់ប៊ុមថ្មី 143 របស់ Katy Perry បានបង្កឱ្យមានភាពតានតឹង និងការប្រេះឆា នៅក្នុងទំនាក់ទំនងរវាងគូស្នេហ៍ពួកគេ។ ប្រភពបាននិយាយថា «Katy មានការខកចិត្តយ៉ាងខ្លាំង បន្ទាប់ពីការចេញអាល់ប៊ុមថ្មី។ រឿងនេះ ធ្វើឱ្យនាងមានភាពតានតឹងខ្លាំង។ Orlando មានការយោគយល់ប៉ុន្តែ នៅតែបណ្តាលឱ្យមានជម្លោះខ្លះៗ» ។
ប្រភពមួយចំនួនដែលស្និទ្ធនឹងតារាចម្រៀងរូបនេះ ក៏បានបង្ហើបប្រាប់ ប្រភព US Weekly ថា គូស្នេហ៍មួយគូនេះ កំពុងឆ្លងកាត់ដំណាក់កាលដ៏លំបាកមួយ ហើយ កាន់តែឃ្លាតឆ្ងាយ លែងរស់នៅជាមួយគ្នាទៀតហើយ។ ខណៈប្រភពមួយទៀត បាននិយាយថា មនុស្សជុំវិញ Katy Perry និង Orlando Bloom ដឹងថា ពួកគេមានបញ្ហាមួយរយៈមកហើយ ប៉ុន្តែមិនបាននិយាយអ្វីទាំងអស់។ យ៉ាងណាមិញ ខាង Page Six បានទាក់ទងទៅគូស្នេហ៍មួយនេះហើយ ប៉ុន្តែមិនបានទទួលការឆ្លើយតបនោះទេ។
គួរបញ្ជាក់ផងដែរថា តារាចម្រៀងស្រី Katy Perry និង តារាសម្ដែង Orlando Bloom បានជួបគ្នាដំបូងក្នុងឆ្នាំ ២០១៦ នៅកម្មវិធី Golden Globes។ គូស្នេហ៍មួយគូនេះ បានភ្ជាប់ពាក្យនៅថ្ងៃបុណ្យនៃក្តីស្រលាញ់ឆ្នាំ ២០១៩ ហើយបានស្វាគមន៍កូនស្រីដំបូងរបស់ពួកគេឈ្មោះ Daisy Dove នៅចុងខែសីហា ឆ្នាំ ២០២០៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
