Kim Tae Hee ចេញមក និយាយ បែបនេះ ពីរឿង ក្រោយ សម្រាលកូនរួច

កម្សាន្ត៖ តារាសម្ដែងស្រី Kim Tae Hee បានទាក់ទាញចំណាប់អារម្មណ៍ នៅពេលបានសារភាពថា នាងមិនសូវមានទំនុកចិត្ត លើរូបរាងរបស់នាងឡើយ បន្ទាប់ពី សម្រាលបានកូនពីរនាក់ជាប់ៗគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅថ្ងៃទី ១២ ខែមិថុនា កន្លងទៅនេះ តារាសម្ដែងស្រី Kim Tae Hee បានចូលរួម Fan Meeting ជាមួយទស្សនិកជន នៅតៃវ៉ាន់ ដែលរៀបចំដោយក្រុមហ៊ុនកែសម្ផស្សវេជ្ជសាស្រ្តដែលនាងជាអ្នកតំណាង។ ក្នុង​ពេល​សន្ទនា​ តារាស្រី​រូប​នេះ​ ​បាន​ទទួល​ស្គាល់​ថា នាង​ពិត​ជា​មាន​ការ​ព្រួយ​បារម្ភ​ចំពោះ​រូបរាង​របស់​នាង​ បន្ទាប់​ពី​សម្រាល​បាន​កូន​ពីរ​នាក់។ នាង​បាន​បញ្ជាក់​ថា​ «​ខ្ញុំ​ចាប់​ផ្តើម​មាន​អារម្មណ៍​មិនជឿជាក់​បន្តិច​ បន្ទាប់​ពី​អាយុ ៣៥​ឆ្នាំ។ ពេល​នោះ​ខ្ញុំ​បាន​រៀប​ការ មាន​កូន និង​រវល់​ចិញ្ចឹម​ពួក​គេ»។

គួររំឮកផងដែរថា នៅពេលដែលតារាស្រីរូបនេះ បានបង្ហាញខ្លួនលើកដំបូង នាងតែងតែត្រូវបានគេហៅថា "Natural Beauty" និង "The Most Beautiful Woman in Korea" ។ តារារូបនេះថែមទាំងត្រូវបានគេប្រើប្រាស់ជាស្តង់ដារ សម្រាប់ការវះកាត់កែសម្ផស្សផងដែរ។ ទោះ​ជា​យ៉ាង​ណា ពេល​ចូល​ដល់​អាយុ ៣០ ឆ្នាំ តារា​ស្រី​រូប​នេះ​មាន​អារម្មណ៍​មិន​សុខ​ស្រួល។ នាងបាននិយាយថា «ខ្ញុំកាន់តែចាស់ នៅពេលខ្ញុំមានអាយុ ៣០ ឆ្នាំ។ ភាពបត់បែននៃ​ស្បែក​របស់​ខ្ញុំ និង​ទិដ្ឋភាព​ផ្សេង​ទៀត គឺ​មិន​ល្អ​ដូច​មុន​ទេ»។

ទោះជាយ៉ាងណាក៏ដោយ នៅអាយុ ៤០ ឆ្នាំ Kim Tae Hee បានរៀនទទួលយកខ្លួនឯង ក្នុងកម្រិតជាក់លាក់មួយ ហើយបន្ទាប់មកប្រាប់ខ្លួនឯងថា មានរឿងដែលមិនអាចជួយបាន ។ នៅក្នុងដំណើរការនេះ នាងបានព្យាយាមធ្វើឱ្យអស់ពីសមត្ថភាព ហើយបន្តិចម្តងៗ ក៏បានរកឃើញទិដ្ឋភាពផ្សេងៗ។ នាងបាននិយាយថា «ខ្ញុំក៏រៀនស្រលាញ់និស្ស័យផ្ទាល់ខ្លួនរបស់ខ្ញុំដែរ។ ខ្ញុំសង្ឃឹមថា ខ្ញុំអាចបន្តរក្សាភាពស្រស់ស្អាត និងភាពទាក់ទាញរបស់ខ្ញុំ តាមរបៀបពិសេសបំផុត»៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ