រូបភាពថ្មី Selena បង្ហាញភាពផ្អែមល្ហែម បែបនេះ ជាមួយ គូស្នេហ៍

កម្សាន្ត៖ បើទោះបីជាមានភាពស្ងប់ស្ងាត់មួយរយៈក្ដី តែសម្រាប់ទំនាក់ទំនងស្នេហា របស់ តារាចម្រៀងស្រី Selena Gomez និង គូស្នេហ៍ លោក Benny Blanco នៅតែជាទីចាប់អារម្មណ៍របស់ហ្វេនៗអ្នកគាំទ្រជាច្រើន ក៏ដូចជាចង់ឃើញពីភាពផ្អែមល្ហែមរបស់អ្នកទាំងពីរនៅលើបណ្ដាញសង្គម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ថ្មីៗនេះ រូបថតថ្មីមួយរបស់ តារាចម្រៀងស្រី Selena បានទាក់ទាញការចាប់អារម្មណ៍ ពីជីវិតដ៏ផ្អែមល្ហែមរបស់នាង។ នៅក្នុងរូបភាពនោះដែរ Selena Gomez បាន​ពាក់​អាវ​ទំហំធំ​ជាងខ្លួន ដែល​មាន​ពុម្ពអក្សរសរសេរ​ថា «You're my cherry pie» ដែល​បោះពុម្ព​លើ​អាវមួយនេះ។

អាវនេះ ត្រូវបានគេដឹងថា បានផ្ញើសារស្នេហារបស់នាង ទៅកាន់គូដណ្តឹង ដែលជាតន្ត្រីករ លោក Benny Blanco ។ នេះ​ជា​បទ​ចម្រៀង​ស្នេហា​ 'Sunset Blvd' ក្នុង​អាល់ប៊ុម​រួម​គ្នា​របស់​គូស្នេហ៍មួយនេះ​ «I Said I Love You First» ។ Benny ក៏បានឆ្លើយតបនៅក្នុងផ្នែក comment ជាមួយនឹងសញ្ញាបេះដូង និងពាក្យថា «My cherry pie»។ អាវ​នេះ ​ក៏​ជា​ទំនិញ​មួយ​នៅ​លើ​គេហទំព័រ​ផ្លូវ​ការ​របស់ Selena Gomez ដែល​លក់​រាយ​ក្នុង​តម្លៃ ៣៥ ដុល្លារ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ