កម្សាន្ត៖ នៅក្នុងរូបថតថ្មីៗជាច្រើនសន្លឹក ដែលបង្ហោះដោយ តារាចម្រៀងប្រុស លោក Justin Bieber ដែលបានបង្ហាញរូបភាពកូនប្រុសរបស់ខ្លួន Jack Blues ត្រូវបានគេសរសើរថាមើលទៅពិតជាដូចតារាចម្រៀងរូបនេះ តាំងពីរូបរាងខ្លួនរហូតដល់ពណ៌សក់។
កាលពីថ្មីៗនេះ តារាចម្រៀងលោក Justin Bieber បានចែករំលែករូបថតមួយសន្លឹក នៅលើ Instagram ដែលនៅក្នុងកម្រងរូបថតនោះ តារាវ័យ ៣១ ឆ្នាំ និងកូនប្រុសអាយុ ៩ ខែរបស់លោក កំពុងសម្រាកលំហែកាយ និងដើរលេងនៅឯវិមានរបស់គ្រួសារ ក្នុងទីក្រុង Los Angeles ។
ថ្វីត្បិតតែ Justin បិទមុខកូនប្រុសក៏ដោយ ក៏មើលទៅឃើញពីភាពស្រដៀងគ្នារវាងឪពុក និងកូន ដែលនៅតែអាចទាក់ទាញចំណាប់អារម្មណ៍អ្នកគាំទ្រ។ មហាជនជាច្រើនបានបញ្ចេញមតិ ទៅលើភាពស្រដៀងរបស់ឪពុកកូនអ្នកទាំងពីរ។
Justin និង ភរិយា Hailey បានចែករំលែករូបភាពជាច្រើនសន្លឹករបស់កូនប្រុសជាទីស្រលាញ់ និងភាពផ្អែមល្ហែមជារៀងរាល់ថ្ងៃជាមួយគ្នា។ ទោះជាយ៉ាងណាក៏ដោយ គូស្នេហ៍មួយគូនេះ មិនដែលបង្ហាញមុខ Jack នោះទេ ដើម្បីធានាភាពឯកជន។ កូនប្រុសរបស់តារាប្រុសស្រីរូបនេះ ត្រូវបានគេចាត់ទុកថា រឹងមាំ គួរឱ្យស្រលាញ់ ហើយតែងតែទាក់ទាញអ្នកចូលចិត្តរាប់លាន នៅក្នុងការបង្ហោះរបស់ឪពុកម្តាយ ក្នុងរូបនីមួយៗ ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
