លោកតា សូនរូបស្ករអង្ក ក្នុងថ្ងៃកម្មវិធី ទេវីអធិបតី កំពុងទទួលបានការអាណិតអាសូរ

ភ្នំពេញ៖ កាលពីម្សិលមិញថ្ងៃទី១៨ ខែមិថុនា ឆ្នាំ២០២៥កន្លងទៅនេះ វីដេអូ លោកតា សូនរូបស្ករអង្កម្នាក់ នៅក្នុងកម្មវិធីទេវីអធិបតីនៅផ្សារទំនើបអ៉ីអនម៉លភ្នំពេញ បានធ្វើឲ្យមហាជនមានការចាប់អារម្មណ៍ជាខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈការបង្ហោះវីដេអូរបស់គណនីតិកតុកមួយបានបង្ហាញសរសេរសារថា លោកតា សូនរូបស្ករបណ្ដើរ ប្រាប់ក្មេងៗបណ្ដើរថា តាងងិតណាស់ តាមើលមិនឃើញទេ តាសូនរូបលែងស្អាតហើយ។

សំណេររបស់លោកតាបានធ្វើឲ្យអ្នកលេងបណ្ដាញសង្គមផ្ទុះការអាណិតអាសូរជាខ្លាំង ដោយនាំគ្នាស៊ែរចែករំលែកវីដេអូ និងអ្នកខ្លះជួយជាថវិកា ដើម្បីទិញវ៉ែនតាមួយជូនលោកតា ព្រោះថា លោកតា មិនមានវ៉ែនតានោះទេ។ 

គួរបញ្ជាក់ដែរថា លោកតា គឺជាអ្នកសូនស្ករអង្កជើងចាស់មួយរូបដ៏មានទេពកោសល្យ គួរជាទីគោរព និងគួរតែលើកតម្កើងអភិរក្ស។ យ៉ាងណាមិញ បច្ចុប្បន្នលោកតាមានភាពវ័យចំណាស់ សូនស្ករលែងដូចដើមហើយ៕

ប្រភព៖ Mininthestreet1

• ជីវិត
• ជំរុញទឹកចិត្ត
• វីដេអូ