កម្សាន្ត៖ ដូចដែលដឹងស្រាប់ហើយថា មហាជនមួយចំនួនកំពុងតែវាយប្រហារទៅកាន់អ្នកសិល្បៈ តាមរយៈបណ្ដាញសង្គម ដោយនិយាយថា បាត់មុខអ្នកសិល្បៈទៅណាអស់ហើយ ពេលប្រទេសជាតិកំពុងតែត្រូវខាងប្រទេសជិតខាងជេរប្រមាថ ហើយសូម្បីតែតារាថៃក៏ចេញមុខវាយប្រហារមកកាន់ខ្មែរដែរ។
ដើម្បីឲ្យអស់ចម្ងល់ កញ្ញា នីគី ដែលគេស្គាល់ថាជាតារាចម្រៀងស្រី ច្រៀងបទមនោសញ្ចេតនា បានចេញមុខបកស្រាយតាមរយៈការបង្ហោះវីដេអូ ដោយនិយាយរៀបរាប់អំពីហេតុផល ដែលអ្នកសិល្បៈស្ងាត់មិនលូកដៃចូលរឿងនយោបាយបែបនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
អ្នកក៏បានសរសេរសារនៅលើវីដេអូនោះថា បញ្ជាក់៖ វីដេអូនេះខ្ញុំសំដៅលើបងប្អូនមួយចំនួនដែលរំអុកតារាខ្មែរយើងឲ្យចេញទៅតបត ឬប្រតិកម្មនឹងចំហាយពីអ្នកជិតខាង រឿងនយោបាយ និងអ្វីផ្សេងៗទៀតឲ្យតែថាក្ដៅគគុក។ អ្នកសិល្បៈបានបង្ហាញ និងបន្តបង្ហាញឆន្ទៈស្នេហាជាតិរាប់មិនអស់ទេ ក្រែងឃើញរហូតតើហ្អី តាមរយៈកម្មវិធី ចម្រៀង ការស្លៀកពាក់ ការផ្សព្វផ្សាយ ទាំងពេលដែលមានរឿង ឬគ្មានរឿង តែតាមបែបផែនរបស់គេ។
អ្នកស្នេហាជាតិក៏មានអ្នកមិនសូវចេះរ៉ាយរ៉ាប់ច្រើន អ្នកធ្វើក្រៅបណ្ដាញសង្គម និងអ្នកដែលតាមមិនសូវទាន់គេដែរ។ ពេលសំឡេងអ្នកឈ្លោះគ្នាលឺខ្លាំងពេកទៅ វាហាក់ដូចជាមកលុបសកម្មភាពពីមុន និងបច្ចុប្បន្នពួកខ្ញុំអស់។ ខឹងគេ កុំមកចោទ ឬវាយប្រហារគ្នាឯងអី!។
សូមទស្សនាវីឌេអូខាងក្រោម តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
