រូបភាពថ្មី សៀវឡុងនី បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ តារាសម្ដែងស្រី Liu Yifei បានទាក់ទាញការចាប់អារម្មណ៍ ជាមួយនឹងសម្រស់ និងសម្លៀកបំពាក់ដ៏លេចធ្លោរបស់នាង ពេលដើរលើកម្រាលព្រំក្រហម នៃកម្មវិធី Magnolia Awards កាលពីល្ងាចថ្ងៃទី ២៦ ខែមិថុនា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើកំរាលព្រំក្រហម តារាសម្ដែងស្រី Liu Yifei បានស្លៀករ៉ូបវែង ពណ៌មាសភ្លឺចែងចាំង ដែលផលិតដោយ Louis Vuitton ។ នាង​បាន​ពាក់​ខ្សែ​ក និង​ខ្សែដៃ​អង្កាំ​លំដាប់​ខ្ពស់​ពី Bulgari ។ ការ​ស្លៀក​ពាក់​ដ៏​លេចធ្លោ​មួយនេះ បាន​ជួយ​ឱ្យ​រូបនាង​ទទួល​បាន​ការ​សរសើរ​ពី​ទស្សនិកជន ដោយ​ហៅ​នាង​ថា ​ជា​ទេពធីតា​មាស។

ឆ្នាំនេះ Liu Yifei ត្រូវបានតែងតាំងសម្រាប់ពានរង្វាន់ Magnolia ជាលើកដំបូង ដែលជាតារាសម្តែងល្អបំផុត សម្រាប់តួនាទីរបស់នាងជា Huang Yimei ក្នុងរឿង The Story of the Rose ។

យ៉ាងណាមិញ ឈុតសម្លៀកបំពាក់ និងស្ទីលរបស់ Liu Yifei បានធ្វើឱ្យមានការរំជើបរំជួល ខណៈប្រធានបទអំពី Liu Yifei បានទាក់ទាញអ្នកអានជិត ៥០ លាននាក់ រួមជាមួយនឹងមតិសរសើរពីភាពស្រស់ស្អាត និងពូកែរបស់នាង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន