Katy Perry បង្ហាញអារម្មណ៍ បែបនេះ នៅលើឆាកតន្រ្តី ក្រោយ មានដំណឹង បែកគ្នា ជាមួយ គូស្នេហ៍

កម្សាន្ត៖ តារា​ចម្រៀងស្រី Katy Perry ទប់​ទឹក​ភ្នែក​មិនជាប់ អំឡុង​ពេល​ចេញ​សម្ដែង​ចុង​ក្រោយ ​នៅ​ប្រទេស​អូស្ត្រាលី ចំ​ពេល​ដែល​នាង​បាន​បែកបាក់​ទំនាក់ទំនង​ស្នេហា ជាមួយ​តារា​សម្ដែង លោក Orlando Bloom បន្ទាប់​ពី ទាក់ទងគ្នា​ជិត​មួយ​ទសវត្សរ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅចុងបញ្ចប់នៃកម្មវិធី នៅថ្ងៃទី ៣០ ខែមិថុនា នៅទីក្រុង Adelaide ប្រទេសអូស្ត្រាលី តារាចម្រៀងស្រី Katy Perry បានបង្ហាញសកម្មភាពមួយ នៅលើឆាក។ នៅក្នុង​វីដេអូ​ដែល​ទស្សនិកជន ​បាន​បង្ហោះ​លើ​បណ្ដាញសង្គម X នោះ Katy បាន​លើក​ដៃ​បង្កើត​រាងបេះដូង ភ្នែក​របស់​នាង​ពោរពេញ​ដោយ​ទឹកភ្នែក។ តារា​ចម្រៀង​រូប​នេះ​បាន​ចែក​រំលែក​ជាមួយ​អ្នក​គាំទ្រ​របស់​នាង​ថា «អរគុណ​ដែល​តែងតែ​នៅ​ទីនេះ សម្រាប់​ខ្ញុំ។ អូស្ត្រាលី មានន័យណាស់»។ បន្ទាប់មក នាង​បាន​ស្ងប់ចិត្ត ហើយ​និយាយ​ថា​ «​តោះ​ច្រៀង​ Firework»។

នៅក្រោមការបង្ហោះនោះ អ្នកគាំទ្រជាច្រើន បានសម្តែងការគាំទ្រចំពោះ Katy Perry និងបានសរសើរនាងថា មានភាពរឹងមាំគ្រប់គ្រាន់ ដើម្បីបញ្ចប់ដំណើរប្រគំតន្រ្តី នៅប្រទេសអូស្ត្រាលី ទោះបីជា ស្ថិតក្នុងគ្រាលំបាកបំផុត ក៏ដោយ។

ការសម្តែងចុងក្រោយរបស់ Katy Perry នៅប្រទេសអូស្ត្រាលី បានធ្វើឡើងពីរបីថ្ងៃ បន្ទាប់ពីប្រព័ន្ធផ្សព្វផ្សាយអាមេរិក បានរាយការណ៍ថា នាងបានបែកបាក់ជាមួយ Orlando Bloom ។ កាលពីថ្ងៃទី ២៦ ខែមិថុនា ទស្សនាវដ្ដី People និង Us Weekly បានដកស្រង់ ប្រភពជិតស្និទ្ធដែលនិយាយថា តារាចម្រៀងវ័យ ៤០ ឆ្នាំ និងតារាសម្តែងវ័យ ៤៨ ឆ្នាំរូបនេះ បានផ្ដាច់ការភ្ជាប់ពាក្យរបស់ពួកគេ ដោយបញ្ចប់ទំនាក់ទំនងរយៈពេល ៩ ឆ្នាំ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ