កម្សាន្ត៖ តារាចម្រៀងស្រី Katy Perry និង គូស្នេហ៍ តារាសម្តែង Orlando Bloom បាននិយាយថា ពួកគេបានផ្ដាច់ការភ្ជាប់ពាក្យមួយរយៈហើយ ប៉ុន្តែនៅតែរួមរស់ជាមួយកូនស្រី Daisy Dove ដដែល។
នៅក្នុងសេចក្តីថ្លែងការណ៍រួមមួយ ដែលបានចេញផ្សាយ កាលពីថ្ងៃទី ៣ ខែកក្កដា អ្នកតំណាងរបស់ Katy Perry និង Orlando Bloom បានសរសេរថា «ដោយសារតែការចាប់អារម្មណ៍ជាសាធារណៈ នាពេលថ្មីៗនេះ លើទំនាក់ទំនងរវាង Orlando Bloom និង Katy Perry អ្នកតំណាងរបស់យើង បានបញ្ជាក់ថា អ្នកទាំងពីរបានផ្លាស់ប្តូរ ទៅជាការចិញ្ចឹមកូន ជាមួយគ្នា ក្នុងរយៈពេលជាច្រើនខែកន្លងមក។ ពួកគេនឹងបន្តបង្ហាញខ្លួន ជាមួយគ្នាជាគ្រួសារ ខណៈអាទិភាពបច្ចុប្បន្ន និងអនាគតរបស់ពួកគេ គឺចិញ្ចឹមកូនស្រីអាយុ ៤ ឆ្នាំ Daisy Dove ដោយក្តីស្រលាញ់ ស្ថិរភាព និងការគោរពគ្នាទៅវិញទៅមក»។
កន្លងមក កាលពីចុងខែមិថុនា សារព័ត៌មានអាមេរិក បានចុះផ្សាយថា តារាចម្រៀងវ័យ ៤០ឆ្នាំ និងតារាសម្ដែងវ័យ ៤៨ឆ្នាំ បានចែកផ្លូវគ្នាស្ងាត់ៗ បន្ទាប់ពីមានរឿងឡើងចុះជាច្រើនដង។ កាលពីដើមសប្តាហ៍នេះ Orlando បានបង្ហោះសារ ពីការចាប់ផ្តើមថ្មី និងបានដកស្រង់ ពីអ្នកចិត្តសាស្រ្ត Carl Jung អំពី "ភាពឯកកោ" និង "ទុក្ខព្រួយ" ។ ទន្ទឹមនឹងនោះ Katy Perry បានស្រក់ទឹកភ្នែក ក្នុងអំឡុងពេលកម្មវិធីចុងក្រោយរបស់នាង កាលពីថ្ងៃទី ៣០ ខែមិថុនា។
គួររំឭកផងដែរថា Katy Perry មានទំនាក់ទំនងស្នេហាជាមួយ Orlando Bloom តាំងពីដើមឆ្នាំ ២០១៦ ដោយបានបែកគ្នាមួយរយៈក្នុងឆ្នាំ ២០១៧ មុនពេលត្រលប់មកត្រូវគ្នាវិញ។ នាងបានភ្ជាប់ពាក្យជាមួយតារាសម្តែងរូបនេះ នៅថ្ងៃបុណ្យនៃក្តីស្រលាញ់ ឆ្នាំ ២០១៩ ហើយបានរៀបគម្រោងរៀបការ ប៉ុន្តែត្រូវបានលុបចោលដោយសារតែ Covid-19 ។ អ្នកទាំងពីរ បានស្វាគមន៍កូនដំបូងរបស់ពួកគេ នៅក្នុងខែសីហា ឆ្នាំ ២០២០ ហើយបានទិញវិមានមួយនៅ Montecito រដ្ឋ California ដើម្បីធ្វើជាផ្ទះ សម្រាប់គ្រួសាររបស់ពួកគេ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
