កម្សាន្ត៖ តារាសម្តែង លោក Leonardo DiCaprio បានចេញមកជួបជុំគ្នា ជាមួយភរិយាថ្មីរបស់មហាសេដ្ឋី Jeff Bezos គឺ Lauren Sanchez និងតារាមួយចំនួនទៀត នៅភោជនីយដ្ឋានមួយ ក្នុងទីក្រុងប៉ារីស កាលពីថ្ងៃទី ៨ ខែកក្កដា កន្លងទៅនេះ។
តារាសម្ដែង លោក Leonardo DiCaprio បានបង្ហាញភាពស្រស់សង្ហា ដោយបានស្លៀកពាក់ឈុតខ្មៅយ៉ាងសាមញ្ញ ពាក់ម៉ាស់ និងមួកកីឡាបេស្បល ដើម្បីបិទបាំងមុខ ពេលចាកចេញពីភោជនីយដ្ឋានលំដាប់ខ្ពស់ កាលពីល្ងាចថ្ងៃអង្គារ។ ថ្វីត្បិតតែ Leonardo បានតែងខ្លួនបែបធម្មតាមែន ក៏អ្នកគាំទ្រជាច្រើន នៅតែស្គាល់ និងចាំស្វាគមន៍ នៅពេលដែលបានឃើញតារាប្រុសរូបនេះ បង្ហាញខ្លួន។
យ៉ាងណាមិញ ការបង្ហាញខ្លួនលើកនេះ មិត្តស្រីរបស់ Leonardo ដែលជាតារាម៉ូដែលវ័យ ២៧ ឆ្នាំ Vittoria Ceretti មិនបានចូលរួមពិធីជប់លៀងមួយនេះ នោះទេ។ កាលពីចុងខែមិថុនា លោក Leonardo DiCaprio និងមិត្តស្រីរបស់លោក បានចូលរួមក្នុងពិធីមង្គលការរបស់មហាសេដ្ឋី Jeff Bezos និងអតីតអ្នកកាសែត Lauren Sanchez ក្នុងទីក្រុង Venice ប្រទេសអ៊ីតាលី៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
