Justin ចេញមកកម្សាន្ត ជាមួយ ភរិយា យ៉ាងផ្អែមល្ហែម

កម្សាន្ត៖ តារា​ចម្រៀង​ លោក Justin Bieber បានទាក់ទាញការចាប់អារម្មណ៍ ព្រមទាំងបង្ក​ឱ្យ​មាន​ការ​ភ្ញាក់​ផ្អើល​ជាមួយ​នឹង​រូបថត​ ដែល​លោកបាន​ឱប​ភរិយា​របស់ខ្លួន ដែលជាតារា​ម៉ូដែល Hailey Bieber ពេល​កំពុង​អង្គុយ​មើល​សមុទ្រ​ ក្នុង​ទីក្រុង Mallorca ប្រទេស​អេស្ប៉ាញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើ Instagram កាលពីថ្ងៃទី ៩ ខែកក្កដា តារាចម្រៀង លោក Justin Bieber បានបង្ហោះរូបថតដ៏ស្និទ្ធស្នាល ជាមួយភរិយា របស់ខ្លួន នៅពីមុខទេសភាពសមុទ្រដ៏រ៉ូមែនទិក។ តារា​ចម្រៀង​វ័យ ៣១ ឆ្នាំ​រូប​នេះ​ បាន​ដាក់​ចំណង​ជើង​ ​ជា​មួយ​នឹង emojis រាង​បេះដូង។ រូបថត​មួយ​សន្លឹក​នេះ ​ទទួល​បាន​អ្នក​ចូល​ចិត្ត​ជាង ២,២ លាន​នាក់ និង​មតិ​រាប់​ពាន់​អំពី​ភាព​ផ្អែមល្ហែម​របស់​គូស្វាមីភរិយាមួយគូនេះ។

យោងតាម ​​Page Six បានឲ្យដឹងថា គូស្វាមីភរិយាអ្នកទាំងពីរ កំពុងសម្រាកលំហែវិស្សមកាល នៅ Mallorca ដែលជាកោះទេសចរណ៍ដ៏ល្បីល្បាញមួយ នៅសមុទ្រមេឌីទែរ៉ាណេ។ ប៉ាប៉ារ៉ាស៊ី​ ក៏​បាន​ថត​រូប​អ្នកទាំងពីរ​ ពេលសម្រាក​លំហែ​កាយ ​មើល​សមុទ្រ​ជាមួយ​គ្នា​ពេល​ថ្ងៃ​លិច ផងដែរ។

ប្ដីប្រពន្ធមួយគូនេះ បានបង្ហាញភាព​រីករាយ​ នឹង​ការ​ចេញកម្សាន្ត​ជា​លក្ខណៈ​ឯកជន​ នៅ​ថ្ងៃ​ត្រង់​ថ្ងៃ​នោះ។ ខណៈរូបថត​ស្និទ្ធស្នាល​របស់​អ្នកទាំងពីរ បាន​លុប​ចោល​ពាក្យ​ចចាមអារ៉ាម ​អំពី​ការ​បែកបាក់​គ្នា​ដោយ​ប្រយោល​ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ