រូបភាពថ្មី Rihanna បង្ហាញភាពស្រស់ស្អាត ចូលរួមកម្មវិធីមួយនេះ

កម្សាន្ត៖ តារាចម្រៀងស្រី Rihanna បានបង្ហាញខ្លួនដ៏ទាក់ទាញ ពេលបានចូលរួមការបញ្ចាំងភាពយន្តរឿង Smurfs ជាមួយកូនប្រុសពីរនាក់ RZA និង Riot នៅទីក្រុង Los Angeles កាលពីថ្ងៃទី ១៣ ខែកក្កដា ខណៈកំពុងមានផ្ទៃពោះកូនទី ៣។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងស្រី Rihanna បានប្រែក្លាយការចាក់បញ្ចាំងលើកដំបូងនៃខ្សែភាពយន្តថ្មីរបស់នាង ទៅជាថ្ងៃនៃគ្រួសារដ៏រីករាយ នៅពេលដែលនាងបានបង្ហាញខ្លួនជាមួយកូនប្រុសវ័យក្មេងទាំងពីរ របស់ខ្លួន។ RZA អាយុ ៣ ឆ្នាំ និង Riot អាយុ ២ ឆ្នាំ បានស្លៀកពាក់សម្លៀកបំពាក់ផ្លូវការពណ៌ស និងពណ៌ប្រផេះ រួមទាំងស្បែកជើងស្បែក។

ចំណែកឯ តារាចម្រៀងស្រី Rihanna ដែលកំពុង​មាន​ផ្ទៃ​ពោះ​ បានទាក់ទាញការចាប់​អារម្មណ៍ ​ក្នុង​ឈុត​ពណ៌​សូកូឡា រួម​បញ្ចូល​គ្នា​នឹង​អាវ​ធំ​ជាមួយ​នឹង​រ៉ូប​ខ្សែ​ពីរ។ ការរចនា បានសង្កត់ធ្ងន់លើចង្កេះរបស់តារាស្រីរូបនេះ ទោះបីជាមានក្បាលពោះធំក៏ដោយ Rihanna នៅតែអាចមានសកម្មភាពរស់រវើក និងរក្សារូបរាងដ៏ស្រស់ស្អាតរបស់នាង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ