Tom Cruise ចេញមកកម្សាន្ត ជាមួយ តារាសម្ដែង ម្នាក់នេះ យ៉ាងមានក្ដីសុខ

កម្សាន្ត៖ តារាសម្តែង លោក Tom Cruise និង តារាសម្ដែងស្រី Ana de Armas ត្រូវបានគេ ប្រទះឃើញអង្គុយជាមួយគ្នា មើលសមុទ្រ យ៉ាងរីករាយ អំឡុងពេលវិស្សមកាលនៅលើកោះ Menorca ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរូបថត ដែលបានចេញផ្សាយដោយ Hola! កាលពីថ្ងៃទី ១៧ ខែកក្កដា កន្លងទៅ បានបង្ហាញឲ្យឃើញថា តារាប្រុសស្រីមួយគូនេះ បានសម្រាកនៅលើទូក ខណៈពេលកំពុងជិះទូកជុំវិញដែនទឹកភាគខាងលិចនៃកោះ Balearic នៃឆ្នេរសមុទ្រនៃប្រទេសអេស្ប៉ាញ។ Tom Cruise ពាក់​អាវ​ពណ៌​ខៀវ​ខ្ចី ខោ​ជើង​ខ្លី និង​អាវ​ការពារ​ខ្លួន​ពី​ព្រះអាទិត្យ។ Ana de Armas បង្ហាញ​ភាព​សិចស៊ី​ក្នុង​រ៉ូប​ពណ៌​ស ពីលើការស្លៀក​ឈុត​ប៊ីគីនី និង​បាន​ពាក់​មួក​ចំបើង ទុក​សក់​របស់​នាង​ទម្លាក់ចុះ​តាម​ធម្មជាតិ និង​ពាក់​គ្រឿង​លម្អ​ តាមបែបឆ្នេរ។

តារា​ទាំង​ពីរ​ ត្រូវ​បាន​គេ​ឃើញ​ជជែក​គ្នា​យ៉ាង​ស្និទ្ធស្នាល។ នៅពេលមួយ Ana បានលើកជើងរបស់នាងឡើងលើកៅអីដែល Tom Cruise កំពុងសម្រាក។

យ៉ាងណាមិញ យោងតាមកាសែតនេះ រូបថតទាំងនោះ ត្រូវបានគេថតនៅថ្ងៃទី ៣០ ខែមិថុនា នៅជិតកោះ Menorca ដែលជាកន្លែងដែលមានភាពស្រស់ស្អាត និងសន្តិភាព ដែលត្រូវបានគេចាត់ទុកថា ជាគុជខ្យងតូចមួយនៃកោះ Balearic ។ ប្រភព​បាន​បង្ហើប​ថា មាន​តែ Tom និង Ana នៅ​លើ​ទូក​ជាមួយ​នឹង​នាវិក ដោយ​គេ​ជឿ​ថា ​នេះ​ជា​វិស្សមកាល​ឯកជន​របស់​គូស្នេហ៍។

គួររំឮកផងដែរថា តារាសម្ដែង លោក Tom Cruise មានពាក្យចចាមអារ៉ាមថា កំពុងទាក់ទងជាមួយ Ana de Armas អស់រយៈពេលជាច្រើនខែមកហើយ ខណៈដែលពួកគេ តែងតែបង្ហាញមុខជាមួយគ្នាជាញឹកញាប់ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ