កម្សាន្ត៖ Shiloh ដែលត្រូវបានគេស្គាល់ថា ជាកូនស្រីរបស់ តារាសម្ដែងស្រី Angelina Jolie ត្រូវបានគេឃើញ បានបង្ហាញសកម្មភាពឱបអ្នករាំ Keoni Rose នៅខាងក្រៅ អាផាតមិន មួយកន្លែង ក្នុងទីក្រុង Los Angeles ដែលជាទីតាំងផ្ទះថ្មី របស់អ្នកទាំងពីរ។
ក្មេងស្រីទាំងពីររូបនេះ ត្រូវបានគេឃើញ ដើរពីអគារទៅចំណតរថយន្តជាមួយគ្នា ក្នុងសប្តាហ៍នេះ ដោយបាននាំយកអាហារ និងរបស់របរមួយចំនួនទៀត។ Shiloh បង្ហាញខ្លួន ក្នុងឈុតអាវក្រណាត់ពណ៌ខ្មៅបែបធម្មតា និងខោត្រឹមជង្គង់ ដោយដើរជើងទទេ ។ ពេលទៅដល់ឡាន កូនស្រីវ័យ ១៩ ឆ្នាំរបស់ Angelina Jolie រូបនេះ បានឱប Keoni Rose យ៉ាងណែន។
យោងតាមសារព័ត៌មាន Dailymail បានឱ្យដឹងថា Shiloh និង Keoni បានផ្លាស់ទៅ រស់នៅផ្ទះជាមួយគ្នា កាលពីប៉ុន្មានសប្តាហ៍មុន។ ថ្វីត្បិតតែ អ្នករាំទាំងពីរ មិនបានបញ្ជាក់អ្វីពីទំនាក់ទំនងរបស់ពួកគេក៏ដោយ ប៉ុន្តែពួកគេបានចំណាយពេលច្រើនជាមួយគ្នា។ ប៉ុន្មានថ្ងៃចុងក្រោយនេះ គេឃើញអ្នកទាំងពីរ ដើរលេងក្រៅផ្ទះ និងដើរទិញឥវ៉ាន់។ អ្នកទាំងពីរ បានបង្ហាញកាយវិការស្រលាញ់រាប់អានគ្នា ជាច្រើន។
យ៉ាងណាមិញ តារាសម្ដែងស្រី Angelina Jolie ត្រូវបានគេនិយាយថា រូបនាងមានការព្រួយបារម្ភចំពោះកូនស្រី របស់ខ្លួន ដែលបានរើចេញ ប៉ុន្តែតារាស្រីរូបនេះ មានទំនុកចិត្តខ្លះ ព្រោះនាងមានក្រុមសន្តិសុខការពារ ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
