តុបតែងបែបនេះ Angelina Jolie បង្ហាញភាពស្រស់ស្អាត ហ្វេនៗសរសើរ គ្រប់គ្នា

កម្សាន្ត៖ តារាសម្ដែងស្រី Angelina Jolie និង Salma Hayek ដែលជាភរិយារបស់មហាសេដ្ឋី François-Henri Pinault បានបង្ហាញខ្លួន ឡើងយន្តហោះ ទៅកាន់ម៉ិកស៊ិក ធ្វើឱ្យអ្នកដំណើរភ្ញាក់ផ្អើល ជាមួយនឹងភាពសាមញ្ញរបស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីចុងសប្តាហ៍ កន្លងទៅនេះ តារាសម្តែងស្រីល្បីឈ្មោះពីររូប គឺ Angelina Jolie និង Salma Hayek បានធ្វើឱ្យអ្នកដំណើរមានការភ្ញាក់ផ្អើល នៅពេលដែលពួកគេ បានបង្ហាញខ្លួន នៅលើជើងហោះហើរពាណិជ្ជកម្មមួយ ក្នុងទីក្រុង Mexico City ។ វីដេអូដែលបានចែករំលែកនៅលើ TikTok កាលពីថ្ងៃសៅរ៍ បានបង្ហាញថា អ្នកទាំងពីរ បានជជែកគ្នាលេងយ៉ាងរីករាយ នៅលើស្ពានទៅកាន់យន្តហោះ។ Salma Hayek ពាក់​ឈុត​ខ្មៅ ខណៈ Angelina បាន​ជ្រើសរើស ​សម្លៀក​បំពាក់​ពណ៌​ស បែបសាមញ្ញ។

Angelina និង Salma ត្រូវ​បាន​គេ​ឃើញ​ ញញឹម និង​ថត​រូប​ជាមួយ​អ្នក​គាំទ្រ​ នៅ​ព្រលាន​យន្តហោះ ព្រម​ទាំង​នៅ​កន្លែង​ញ៉ាំ​អាហារ។ អ្នក​ទាំង​ពីរ ​មិន​ស្ទាក់ស្ទើរ ​ក្នុង​ការ​ឈរ​តម្រង់​ជួរ​ នៅ​ក្នុង​ហ្វូង​មនុស្ស​ដ៏​ច្រើន​កុះករ។ ពួកគេបានចុះចតនៅ Veracruz ប្រទេសម៉ិកស៊ិក ដែលជាស្រុកកំណើតរបស់ Salma ។ យោងតាមកាសែត Mexico News Daily បានឲ្យដឹងថា Angelina និង Salma ត្រូវបានស្វាគមន៍នៅព្រលានយន្តហោះដោយ Xóchitl Molina ដែលជារដ្ឋមន្ត្រីក្រសួងវប្បធម៌របស់រដ្ឋ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ