កម្សាន្ត៖ តារាចម្រៀងប្រុស លោក Justin Bieber និងភរិយា ដែលជាតារាម៉ូដែល Hailey Bieber បានប្រារព្ធខួបកំណើតឆ្នាំដំបូងរបស់កូនប្រុសពួកគេ Jack Blues កាលពីថ្ងៃទី ២២ ខែសីហា ដោយចែករំលែកនូវពេលវេលាដ៏គួរឱ្យស្រលាញ់របស់កូនអ្នកទាំងពីរ។
Hailey Bieber បានបង្ហោះរូបថតផ្អែមល្ហែមពីរសន្លឹក ជាមួយកូនប្រុសរបស់នាង នៅលើ Instagram ជាមួយនឹងចំណងជើងថា «មួយឆ្នាំជាមួយអ្នក កូនប្រុសដ៏ស្រស់ស្អាតរបស់ខ្ញុំ។ រីករាយថ្ងៃកំណើតដំបូង Jack Blues។ អ្នកគឺជាសេចក្តីរីករាយដែលបាននៅក្បែរជារៀងរាល់ថ្ងៃ»។
នៅក្នុងរូបថតនោះ តារាម៉ូដែលវ័យ ២៨ ឆ្នាំរូបនេះ រួមទាំងកូនប្រុសតូច Jack Blues ពាក់អាវពណ៌សដែលត្រូវគ្នា។ ម្តាយនិងកូនមួយគូនេះ ឱបគ្នាយ៉ាងស្និទ្ធស្នាល ។ Hailey ក៏បានចែករំលែកពេល Jack លេងជាមួយប៉េងប៉ោងខួបកំណើតនៅលើ Instagram Story ផងដែរ ។
កូនប្រុសតូចរបស់ Justin និង Hailey បានទទួលការអបអរសាទរជាច្រើន ពីមិត្តភ័ក្តិសិល្បករ និងអ្នកគាំទ្ររបស់ឪពុកម្តាយ។ Jack Blues គឺជាកូនដំបូងរបស់ Justin Bieber និង Hailey បន្ទាប់ពីរៀបការបាន ៦ ឆ្នាំ។ កូនប្រុសតូចរបស់តារាប្រុសស្រីរូបនេះ តែងតែបង្កភាពភ្ញាក់ផ្អើល នៅលើបណ្តាញសង្គម រាល់ពេលដែលឪពុកម្តាយ បានបង្ហោះរូបថត ដែលបានទាក់ទាញអ្នកចុច Likes រាប់លាននាក់។ យ៉ាងណាមិញ រហូតមកដល់ពេលនេះ Jack នៅមិនទាន់ត្រូវបានបញ្ចេញមុខមាត់នោះទេ ព្រោះ Justin និងភរិយា ចង់ធានាភាពឯកជនសម្រាប់កូនរបស់ពួកគេ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
