Rodri ប្រៀបធៀបភាពគួរឲ្យខ្លាចរវាង Ronaldo និង Messi

កីឡា៖ នៅក្នុងពិភពបាល់ទាត់ ប្រិយមិត្តប្រាកដជាជ្រាបហើយថាកីឡាករដែលគេចាត់ទុកថាឆ្នើមបំផុត ប្រចាំប្រវត្តិសាស្ត្រគឺ ចៀសមិនផុតពី Cristiano Ronaldo និង Lionel Messi នោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយសារសមត្ថភាព និងទេពកោសល្យលើទីលានរបស់ពួកគេ កីឡាករ គ្រូបង្វឹក ឬសូម្បីអ្នកគាំទ្រតែងតែយក កំពូលខ្សែប្រយុទ្ធទាំងពីរមកប្រៀបធៀបគ្នា ក្លាយជាប្រធានបទជាហូរហែ ដោយខ្លះគិតថា Ronaldo ល្អជាង ឯខ្លះទៀតគិតថា Messi ល្អជាង ខណៈដែលអ្នកទាំងពីរសុទ្ធតែធ្លាប់ក្លាយជាម្ចាស់ពានបាល់មាស Ballon d'Or ដោយ Ronaldo ធ្លាប់ឈ្នះ៥ដង ឯ Messi ឈ្នះបាន៨ដង។

យ៉ាងណាមិញសម្រាប់គំនិតរបស់ Rodri ជាម្ចាស់ពាន Ballon d'Or កាលពីរដូវកាលមុនវិញ រូបគេគិតថា៖ "ភាពខុសប្លែកគ្នារវាង Ronaldo និង Messi គឺថា ពួកយើងរាងញញើតនឹង Ronaldo ពេលស្ថិតក្នុងប្រអប់គ្រោះថ្នាក់ ប៉ុន្តែជាមួយ Messi  វិញ ពួកយើងញញើតនឹងគេពេញទីលានតែម្ដង។"