អាកាសយានដ្ឋានអន្តរជាតិតេជោ បើកប្រតិបត្តិការជាផ្លូវការហើយ

អាកាសយានដ្ឋានអន្តរជាតិតេជោ បើកប្រតិបត្តិការជាផ្លូវការហើយនៅព្រឹកថ្ងៃ០៩ ខែកញ្ញា ឆ្នាំ២០២៥។

អាកាសយានដ្ឋានអន្តរជាតិតេជោ កម្រិត 4F ដែលអាចឱ្យយន្តហោះប្រភេទធំៗឆ្លងទ្វីបមកចុះចតបាន ត្រូវបានកសាងឡើងជាបីដំណាក់កាល ដោយដំណាក់កាលទី១ មានផ្លូវរត់ចម្ងាយ៤ គីឡូម៉ែត្រជាមួយនឹងមានសមត្ថភាពទទួលអ្នកដំណើរជាង ១៥លាននាក់ក្នុងមួយឆ្នាំ នៅឆ្នាំ២០២៥។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងដំណាក់កាលទីពីរ ការបន្ថែមផ្លូវរត់ពីរបន្ថែមទៀតនឹងបង្កើនសមត្ថភាពអ្នកដំណើរដល់ ៣០លាននាក់ នៅឆ្នាំ២០៣០។

ដំណាក់កាលទីបី អាកាសយានដ្ឋាននេះនឹងពង្រីកបន្ថែមទៀតជាមួយនឹងការដាក់ឱ្យប្រើប្រាស់ផ្លូវរត់ទីបី ដែលអាចទទួលអ្នកដំណើរបានរហូតដល់ ៤៥លាននាក់ នៅឆ្នាំ២០៥០។

ប្រភព៖ ក្រសួងព័ត៌មាន