ក្រុមហ៊ុន តូយ៉ូតា (ខេមបូឌា) និង JCI រួមគ្នាដាំដើមកោងកាង ២០២៥ ដើម នៅខេត្តកំពត ដើម្បីអនាគតភពផែនដី

ខេត្តកំពត ៖ ដើម្បីចូលរួមចំណែកក្នុងការការពារបរិស្ថាន ក្រុមហ៊ុន តូយ៉ូតា (ខេមបូឌា) បានចាប់ដៃគូសហការជាមួយសភាយុវពាណិជ្ជករអន្តរជាតិកម្ពុជា រៀបចំកម្មវិធីដាំកូនកោងកាងសរុបចំនួន ២.០២៥ ដើម នៅខេត្តកំពត ។

ពិធីដាំកូនកោងកាងនេះ ធ្វើឡើងកាលពីព្រឹកថ្ងៃអាទិត្យ ទី ៧ ខែកញ្ញា ឆ្នាំ ២០២៥ ក្រោមប្រធានបទ «តោះដាំដើមឈើ ចាំអង្កាល់ទៀត !» ។ កម្មវិធីនេះធ្វើឡើងនៅសហគមន៍នេសាទកំពង់សាមគ្គី ក្នុងភូមិកំពង់ត្នោត ឃុំកូនសត្វ ស្រុកទឹកឈូ ខេត្តកំពត ដែលមានការចូលរួមពីលោក អ៊ឹម ច័ន្ទសោធន អភិបាលស្រុកទឹកឈូ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការដាំកូនកោងកាងនេះ មិនត្រឹមតែជួយដល់ជីវៈចម្រុះ និងមច្ឆាជាតិប៉ុណ្ណោះទេ ថែមទាំងជារបាំងធម្មជាតិជួយទប់ស្កាត់ទឹកជំនន់ ការកើនឡើងកម្ពស់ទឹកសមុទ្រ និងការបាក់ច្រាំងផងដែរ ។

តោះ ! ចាប់ផ្ដើមទាំងអស់គ្នា ដើម្បីភពផែនដីដែលជាមាតារបស់យើងទាំងអស់គ្នា ! អនាគតនៃភពផែនដីស្ថិតនៅក្នុងដៃអ្នក ! សូមរួមគ្នារក្សាភាពសុខដុមជាមួយធម្មជាតិ ! ៕