Jennifer Lopez បង្ហាញសកម្មភាព មួយនេះ ជាមួយ កូនប្រុស អតីតស្វាមី

កម្សាន្ត៖ តារាចម្រៀងស្រី Jennifer Lopez នៅតែបង្ហាញភាពជិតស្និទ្ធនឹងកូនរបស់អតីតស្វាមី លោក Ben Affleck មួយឆ្នាំបន្ទាប់ពីការលែងលះ របស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងស្រី Jennifer Lopez ត្រូវបានគេឃើញ នៅជាមួយ Samuel Affleck ដែលជាកូនប្រុសវ័យ ១៣ឆ្នាំ របស់ Ben Affleck និង Jennifer Garner កាលពីចុងសប្តាហ៍កន្លងទៅ។ បន្ទាប់ពី អាហារថ្ងៃត្រង់ តារាស្រីរូបនេះ បាននាំ កូនប្រុសអតីតស្វាមី ទៅ Century City Mall និងហាង Balenciaga ក្នុងទីក្រុង Los Angeles ។

កូនស្រីរបស់ Jennifer Lopez ឈ្មោះ Emme អាយុ ១៧ ឆ្នាំ ក៏បានចូលរួមក្នុងការធ្វើដំណើរកម្សាន្តនេះដែរ។ យោងតាមគេហទំព័រ People កូនទាំងពីរនាក់របស់ Jennifer Lopez និងកូនទាំងបីរបស់ Ben Affleck មានភាពស្និទ្ធស្នាលគ្នា តាំងពីឪពុកម្តាយរៀបការមក ហើយនៅតែលេងជាមួយគ្នា និងជួបមុខគ្នាជាប្រចាំ។

ការបង្ហាញខ្លួនលើកនេះ តារា​ចម្រៀងស្រីរូប​នេះ ​បាន​ស្លៀក​សម្លៀក​បំពាក់​ដ៏​ស្រួល ​ជាមួយ​នឹង​អាវ​យឺត និង​ខោ​ជើង​វែង។ នាង​កាន់​កាបូប​ធំ​មួយ​ពេល​ដើរ​ទិញ​ឥវ៉ាន់។ 

Jennifer Lopez ក៏បាននាំកូនប្រុសរបស់ Ben Affleck ដើម្បីជ្រើសរើសសម្លៀកបំពាក់រដូវស្លឹកឈើជ្រុះ និងរដូវរងាផងដែរ។ ប្រភពព័ត៌មាន បាននិយាយថា Jennifer Lopez  តែងតែជាម្តាយដ៏អស្ចារ្យ ហើយនៅតែស្រលាញ់កូនៗរបស់អតីតស្វាមីរបស់នាង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ