ចូលរួមសោកស្ដាយ តារាសម្ដែងចិន Yu Menglong ទទួលមរណភាព ដោយសារ ...

ចិន៖ ក្រុមហ៊ុនគ្រប់គ្រងរបស់តារាសម្ដែងប្រុស លោក Yu Menglong បានចេញផ្សាយ ពីដំណឹងមរណភាពរបស់តារាសម្ដែងរូបនេះ នៅម៉ោង ៦ និង ៤៤ ល្ងាច កាលពីថ្ងៃទី១១ ខែកញ្ញា កន្លងទៅនេះ ដោយបានបញ្ជាក់ថា តារាសម្តែងរូបនេះ បានទទួលមរណភាព ក្នុងវ័យ ៣៧ឆ្នាំ ដោយសង្ស័យករណីធ្លាក់ពីលើអគារ។

ក្នុង​សេចក្តី​ប្រកាស​នោះ អង្គភាព​គ្រប់​គ្រង​បាន​សរសេរ​ថា៖ «យើង​ខ្ញុំ​មាន​ការ​សោកស្ដាយ​ជា​ខ្លាំង ​ក្នុង​ការ​ជូន​ដំណឹង​ដល់​អ្នក​រាល់​គ្នា​ថា Menglong ជា​ទី​ស្រឡាញ់​របស់​យើង ​បាន​ទទួល​មរណភាពហើយ។ សូម​ឲ្យ​អ្នក​ស្លាប់​បាន​ទៅ​កាន់​សុគតិភព និង​សូម​ឲ្យ​អ្នក​រស់​នៅ​ មាន​ភាព​រឹង​មាំ»។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បច្ចុប្បន្ន​នេះ ប្រធានបទ​មរណភាព​របស់​លោក Yu Menglong កំពុង​តែ​បង្ក​ភាព​ភ្ញាក់ផ្អើល​លើ​បណ្ដាញ​សង្គម។ ប្រភពជិតស្និទ្ធនឹងតារាសម្ដែងរូបនេះ បានលើកឡើងថា រូបលោកបានហូបអាហារពេលល្ងាចជាមួយមិត្តភក្តិ ៥ ទៅ ៦នាក់ នៅល្ងាចថ្ងៃទី១០ ខែកញ្ញា ហើយបានត្រឡប់មកផ្ទះវិញ នៅម៉ោង២ទៀបភ្លឺ ថ្ងៃទី១១ ខែកញ្ញា ដោយបានចាក់សោទ្វារផ្ទះ និងស្រាប់តែប្រទះឃើញរូបលោក ដេកស្លាប់នៅខាងក្រោមផ្ទះ នៅម៉ោង៦ព្រឹក ដោយសង្ស័យធ្លាក់ពីលើអគារ។ អ្នកជិតខាងម្នាក់ ដែលកំពុងបណ្ដើរឆ្កែ ក៏បានប្រទះឃើញហេតុការណ៍នេះ ហើយបានទូរស័ព្ទទៅប៉ូលីស ខណៈកញ្ចក់​បង្អួច ​ត្រូវ​បាន​គេ​បើក​ដោយ​ដៃ។

យ៉ាងណាមិញ យោងតាមប្រភព Sinchew ការស៊ើបអង្កេតបឋមរបស់ប៉ូលីស បានច្រានចោលការសង្ស័យពីឧក្រិដ្ឋកម្ម ប៉ុន្តែមូលហេតុជាក់លាក់នៃការស្លាប់ មិនត្រូវបានបង្ហាញឱ្យដឹងនោះទេ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន