ឪពុក ចៀវៃ បង្ហាញភាពស្រស់សង្ហា ហ្វេនៗសរសើរ គ្រប់គ្នា

កម្សាន្ត៖ លោក Lin Wenzheng ដែលត្រូវបានគេស្គល់ថា ជាឪពុករបស់តារាសម្តែង Ruby Lin ត្រូវបានមហាជនកោតសរសើរចំពោះស្ទីល និងភាពស្អាតសង្ហា របស់លោក នៅពេលដែលលោកបង្ហាញខ្លួន កាលពីថ្ងៃទី ១១ ខែកញ្ញា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភព QQ បានឲ្យដឹងថា ឪពុកម្តាយបង្កើតរបស់ Ruby Lin បានមកទទួលទានអាហារពេលល្ងាច ជាមួយមិត្តភ័ក្តិនៅភោជនីយដ្ឋានលំដាប់ខ្ពស់មួយ នៅក្វាងទុង។ នៅក្នុងរូបថតជាច្រើនសន្លឹក ដែលបង្ហោះនៅលើ Weibo លោក Lin Wenzheng ដែលជាឪពុករបស់ Ruby Lin កំពុងជ្រើសរើសអាហារ ខណៈម្តាយរបស់នាង​ កំពុងជជែកលេងជាមួយមិត្តភក្តិ។

ក្នុង​វ័យ​៧៥​ឆ្នាំ់​ ឪពុករបស់ Ruby Lin មើលទៅ មាន​សុខភាព​ល្អ សកម្ម និង​បង្ហាញពីការស្លៀកពាក់យ៉ាងសមសួន។ មតិជាច្រើន នៅលើ Weibo បាននិយាយថា រូបលោកសង្ហាដូចអ្នកជំនួញ មើលទៅក្មេងជាងអាយុ និង មានមន្តស្នេហ៍ច្រើន ខណៈ Ruby Lin គឺទទួលបានមរតកភាពរឹងមាំស្រស់ស្អាតទាំងអស់ពីឪពុករបស់នាង។ ទន្ទឹមនឹងនោះដែរ ម្តាយរបស់ Ruby Lin ដែលមានអាយុ ៧៤ ឆ្នាំ ស្លៀកពាក់សាមញ្ញ ហើយរូបរាងរបស់អ្នកស្រី មិនមានភាពលេចធ្លោទៀតទេ។ 

ឪពុកម្តាយរបស់ Ruby Lin បានលែងលះគ្នា នៅពេលដែលតារាស្រីរូបនេះ រៀននៅសាលាបឋមសិក្សា ហើយនាងត្រូវបានម្តាយរបស់នាងចិញ្ចឹមតែម្នាក់ឯង។ ឪពុករបស់នាង បានរៀបការថ្មី ជាមួយនារីម្នាក់ទៀត និងបង្កើតបានកូនស្រីម្នាក់ ឈ្មោះ Lin Xin Wei ដែលមានអាយុក្មេងជាង Ruby Lin ជិត ១០ ឆ្នាំ ហើយបន្ទាប់មក ក៏បានលែងលះគ្នា។ ក្រោយមក ជាមួយនឹងការលើកទឹកចិត្តរបស់ Ruby Lin ឪពុកម្តាយរបស់នាង ក៏បានវិលត្រលប់មកជួបជុំគ្នាវិញ។ ចាប់តាំងពីពេលនោះមក ពួកគេតែងតែនៅជាមួយគ្នា ខណៈនៅក្នុងព្រឹត្តិការណ៍គ្រួសាររបស់ Ruby Lin ឪពុកម្តាយរបស់នាងតែងតែមានវត្តមាន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖