រូបភាពថ្មី Carman Lee បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ តារាសម្តែងស្រី Carman Lee បានទាក់ទាញចំណាប់អារម្មណ៍ ពេលបង្ហាញខ្លួនទៅលេងផ្សាររាត្រី Changsha ហើយបានធ្វើឱ្យហ្វូងមនុស្សរត់តាមនាង ដើម្បីចុះហត្ថលេខា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាសម្ដែងស្រីវ័យ ៥៩ ឆ្នាំរូបនេះ បានតុបតែងខ្លួន ដោយស្លៀក​ខោ​ខ្មៅ អាវរឹបខ្លី ទៅ​ផ្សារ​រាត្រី បង្ហាញ​ចង្កេះ​តូចស្ដើង យ៉ាង​ច្បាស់។ នៅក្នុង​រូបថត​ ដែល​ថត​ដោយ​អ្នក​ដើរ​កាត់​នោះ នាង​ត្រូវ​បាន​គេ​សរសើរ​ចំពោះ​ស្បែក​រលោង សក់​ក្រាស់ ស្រស់ស្អាតវ័យក្មេង ជាងអាយុរបស់នាង។

តារាសម្ដែងស្រីរូបនេះ ត្រូវបានគេមើលឃើញថា ចេញទៅក្រៅដោយគ្មានជំនួយការ ឬអង្គរក្ស ចេញមកភ្លក្សរសជាតិអាហារសម្រន់ ដូចជាចាហួយ នំស្ករ តៅហ៊ូ ចរចាជាមួយម្ចាស់ហាង ជាដើម ដោយមិនខ្លាចញញើត ថតរូបជាមួយស្នាមប្រឡាក់ស្ករសនៅជ្រុងមាត់របស់នាង។ អ្នក​ទស្សនាមួយចំនួន មានការ​រំភើប​ចិត្ត​​ និងបាន​ស្រែក​ថា៖ «នឹក​ណាស់ អ្នក​នៅ​ក្មេង​ណាស់»។

យោងតាមប្រភព ​​QQ បានឲ្យដឹងថា មនុស្សជាច្រើនបានឃើញ Carman Lee ទៅផ្សារ ហើយរត់តាមនាង ដោយហៅឈ្មោះរបស់នាង ធ្វើឱ្យជ្រុងផ្សាររាត្រី មានភាពអ៊ូអរ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន