Selena និង គូដណ្ដឹង ចូលរួមកម្មវិធីមួយនេះ ជាមួយគ្នា យ៉ាងផ្អែមល្ហែម មុនពេលរៀបការ

កម្សាន្ត៖ តារាចម្រៀងស្រី Selena Gomez និងគូដណ្ដឹង ដែលជាតន្ត្រីករ លោក Benny Blanco បានដើរលើកម្រាលព្រំក្រហមនៃកម្មវិធី Emmy Awards នៅល្ងាចថ្ងៃទី ១៤ ខែកញ្ញា មុនថ្ងៃរៀបការរបស់ពួកគេមកដល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងស្រី Selena Gomez មើលទៅ មានភាពស្រស់ស្អាតនៅក្នុងរ៉ូបពណ៌ក្រហមដ៏ប្រណិត និងគ្រឿងអលង្ការពេជ្រ ខណៈដែល Benny Blanco ពាក់ឈុតពណ៌ខ្មៅ និងអាវដែលមានភាពទាន់សម័យ។ ពេល​ថត​រូប Benny បាន​យក​ដៃ​ឱបចង្កេះ​ Selena ហើយ​ថើប​ថ្ពាល់​យ៉ាង​ផ្អែមល្ហែម។ តារា​ចម្រៀងស្រីរូបនេះ បានបង្ហាញស្នាមញញឹម​យ៉ាង​ស្រស់​ស្រាយ ​ចំពោះ​កាយវិការ​គួរ​ឱ្យ​ស្រលាញ់​របស់​គូ​ដណ្តឹងរបស់នាង។

Benny បានមកគាំទ្រ Selena ក្នុងកម្មវិធី Emmy Awards (ពានរង្វាន់ដ៏មានកិត្យានុភាពបំផុតនៅក្នុងឧស្សាហកម្មទូរទស្សន៍អាមេរិក) នៅពេលដែលខ្សែភាពយន្តរបស់នាង ដែលមានចំណងជើងថា «Only Murders in the Building» ត្រូវបានតែងតាំងសម្រាប់ស៊េរីកំប្លែងឆ្នើម។ នេះជាលើកទីមួយហើយ ដែលតន្ត្រីករវ័យ ៣៧ ឆ្នាំរូបនេះ បានដើរលើកម្រាលព្រំក្រហមជាមួយ Selena ក្នុងកម្មវិធី Emmy Awards ហើយក៏ជាពេលវេលាដ៏កម្រមួយដែលគូស្នេហ៍អ្នកទាំងពីរ បានថតរូបជាមួយគ្នានៅក្នុងព្រឹត្តិការណ៍នោះ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ