ម្ដាយ Yu Menglong ចេញមកបញ្ជាក់ បែបនេះ ពី មរណភាព កូនប្រុស

ចិន៖ ម្តាយរបស់តារាសម្ដែងប្រុស លោក Yu Menglong បានបង្ហាញមូលហេតុនៃការស្លាប់របស់កូនប្រុសខ្លួន ដើម្បីលុបបំបាត់ពាក្យចចាមអារ៉ាមមិនពិត កាលពីថ្ងៃទី ១៦ ខែកញ្ញា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងការបង្ហោះលើទំព័រផ្ទាល់ខ្លួនរបស់ក្រុមការងារ ម្ដាយរបស់ តារាសម្ដែង Yu Menglong បានឆ្លើយតបនឹងពាក្យចចាមអារ៉ាមមិនពិត អំពីមរណភាពរបស់កូនប្រុស។ តាមរយៈការបង្ហោះនេះ អ្នកស្រីបានពន្យល់ថា៖

ខ្ញុំជាម្តាយរបស់ Yu Menglong ថ្មីៗនេះ ខ្ញុំបានជួបទុក្ខធំ ដោយសារតែកូនប្រុសរបស់ខ្ញុំបានស្លាប់ភ្លាមៗ ដោយសារគ្រោះថ្នាក់ដែលនឹកស្មានមិនដល់ ទាក់ទងនឹងគ្រឿងស្រវឹង។ ឧបទ្ទវហេតុមួយរំពេចនេះ ធ្វើឲ្យពួកយើងធ្លាក់ក្នុងភាពសោកសៅយ៉ាងខ្លាំង។ ប៉ូលីសកំពុងធ្វើការស៊ើបអង្កេត ហើយនឹងចាត់ការតាមនិតិវិធីច្បាប់។ ខ្ញុំសង្ឃឹមថា អ្នកទាំងអស់គ្នាគោរពនូវហេតុការណ៍ដ៏សោកសៅនេះ ហើយនឹងមិនរំពឹងទុកបន្ថែមទៀតទេ។ ខ្ញុំក៏សង្ឃឹមថា នឹងអាចត្រលប់ទៅជីវិតដ៏សុខសាន្ត នឹកឃើញកូនប្រុសរបស់ខ្ញុំដោយស្ងៀមស្ងាត់ ហើយព្យាយាមធ្វើរាល់ថ្ងៃឱ្យកាន់តែប្រសើរឡើង។ ខ្ញុំជឿថា នេះជាអ្វីដែលកូនប្រុសរបស់ខ្ញុំចង់បាន។ ជាចុងក្រោយ ខ្ញុំសង្ឃឹមថា គាត់នឹងបានសុខសាន្តនៅស្ថានសួគ៌។ ខ្ញុំសូមអរគុណយ៉ាងស្មោះ ចំពោះអ្នកទាំងអស់គ្នា ដែលបានបារម្ភមើលថែ និងជួយយើង។

ម្ដាយ Yu Menglong

គួររំឮកផងដែរថា កាលពីថ្ងៃទី១០ ខែកញ្ញា លោក Yu Menglong បានទទួលទានអាហារពេលល្ងាច ជាមួយមិត្តភ័ក្តិ រហូតដល់ព្រឹកព្រលឹម បន្ទាប់មក ក៏ត្រឡប់ទៅបន្ទប់វិញ ដើម្បីសម្រាកតែម្នាក់ឯង។ លុះដល់ម៉ោង៦ព្រឹក ស្រាប់តែមានអ្នកជិតខាងបណ្ដើរឆ្កែ ឃើញរូបលោកដេកស្ដូកដោយឈាមហូរពេញខ្លួន។ ក្រោយការស៊ើបអង្កេត ប៉ូលិសបានច្រានចោលករណីឃាតកម្ម។ ខាងវេជ្ជបណ្ឌិតផ្នែកកោសល្យវិច្ច័យ បាននិយាយថា កំហាប់ជាតិអាល់កុលក្នុងឈាមរបស់លោកគឺខ្ពស់ណាស់៕

ប្រភព៖ Ngoisao.net

សូមទស្សនារូបភាពខាងក្រោម៖

រូបភាព

តារាចិន

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ម្ដាយ Yu Menglong ចេញមកបញ្ជាក់ បែបនេះ ពី មរណភាព កូនប្រុស

In Case You Missed It