ស្វាមី សាន់ឆាយ និយាយ បែបនេះ ពីភរិយា ក្រោយ នាង ទទួលមរណភាព

កម្សាន្ត៖ លោក DJ Koo ដែលជាស្វាមីរបស់តារាសម្តែង Barbie Hsu បានសារភាពថា រូបលោកតែងតែសុបិនឃើញប្រពន្ធរបស់ខ្លួន ចាប់តាំងពីនាងបានទទួលមរណភាព។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភព Apple Daily បានរាយការណ៍ថា កាលពីថ្ងៃទី ១៩ ខែកញ្ញា លោក DJ Koo បានចំណាយពេលមួយម៉ោង ជាមួយមិត្តភក្តិនៅឯផ្នូររបស់ Barbie Hsu ។ ពេល​រូបលោករៀបនឹង​ចេញ​ទៅ អ្នក​យក​ព័ត៌មាន​ម្នាក់ ​បាន​ចូល​ទៅ​ជិត​ ហើយ​សួរ​ថា តើ​លោកយល់​សប្តិ​ឃើញ​ប្រពន្ធ​​ឬ​អត់នោះ លោក DJ Koo បាន​ឆ្លើយ​ថា៖ «ពិត​ណាស់» ខណៈដែលមើល​ទៅរូបលោក ពិតជាក្រៀមក្រំខ្លាំងណាស់។ 

ប្រភពខ្លះ បាននិយាយថា DJ Koo មិនបានត្រឡប់ទៅផ្ទះចាស់ ជាមួយ Barbie Hsu អស់រយៈពេលជាច្រើនសប្តាហ៍មកហើយ ទោះបីជា វាជាផ្ទះរបស់គូស្នេហ៍ បន្ទាប់ពីរៀបការរួចក៏ដោយ។ ប្រភព​មួយ​បាន​ឲ្យ​ដឹង​ថា ផ្ទះ​របស់​តារា​សម្ដែងស្រីរូបនេះ បច្ចុប្បន្ន​គឺ​ទទេស្អាត មិនមានអ្វីនោះទេ។

យោងតាម ​​QQ ការងារសំខាន់របស់ DJ Koo ជារៀងរាល់ថ្ងៃ គឺទៅលេងទីបញ្ចុះសព Kim Bao Son ។ មិនថាមេឃ ភ្លៀង​ឬ​មិនភ្លៀងក៏ដោយ រូបលោក តែងតែទៅ​មើល​ផ្នូរ​ប្រពន្ធ​រាល់​ថ្ងៃ។ ហើយលោកក៏បានបដិសេធមិនធ្វើពាណិជ្ជកម្ម ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន