Justin បង្ហាញរូបភាព កូនប្រុស និង ភរិយា យ៉ាងមានក្ដីសុខ ត្រូវគេចាប់អារម្មណ៍ លើរឿងនេះ

កម្សាន្ត៖ តារាចម្រៀង លោក Justin Bieber ទទួលបានការពេញចិត្តពីអ្នកគាំទ្រជាច្រើន ជាមួយនឹងរូបថតសប្បាយរីករាយជាបន្តបន្ទាប់ ជាមួយគ្រួសារ ក៏ដូចជាពេលដែលលោកនិងប្រពន្ធរបស់លោក បានបង្រៀនកូនប្រុសអាយុ ១ខួប ឱ្យដើរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃច័ន្ទ កន្លងទៅនេះ លោក Justin Bieber បានបញ្ចេញ រូបថតរបស់ខ្លួន ដើរលេងជាមួយកូនប្រុសតូច Jack Blues និងប្រពន្ធ Hailey Bieber កាលពីចុងសប្តាហ៍ ដោយទាក់ទាញការ Likes រាប់លាន និងមតិរាប់ពាន់ពីអ្នកគាំទ្រ។

យោងតាម ​​Page Six គ្រួសារ Justin Bieber បានទៅ Coachella Valley នៅ Indio រដ្ឋ California ដែលជាកន្លែងដែល Justin នឹងសម្តែង នៅមហោស្រពតន្ត្រី នៅខែមេសា ឆ្នាំក្រោយ។

ក្រឡេកមកមើលរូបភាពដែលតារាប្រុសរូបនេះបានបង្ហាញ បានឲ្យឃើញថា កូនប្រុសវ័យមួយខួបរបស់លោក ពាក់កន្ទប និងអាវពណ៌ផ្កាឈូក ព្រមទាំងត្រូវបានឪពុកម្តាយនាំទៅវាលស្មៅ។ អ្នកគាំទ្រជាច្រើនបានប្រញាប់ប្រញាល់ បញ្ចេញមតិអំពីគ្រាដ៏គួរឱ្យស្រលាញ់របស់ទារក Jack Blues ហើយមានការភ្ញាក់ផ្អើល ដែលក្មេងប្រុសរូបនេះបានឈានដល់ដំណាក់កាលនៃការដើរ។ 

យ៉ាងណាមិញ អ្នកគាំទ្រក៏បានទស្សន៍ទាយថា Jack ច្បាស់ជាសង្ហាដូចឪពុក ព្រោះមើលពីខាងក្រោយមក ក្មេងប្រុសនេះមើលទៅស្រដៀងរូបលោកខ្លាំងណាស់។ បច្ចុប្បន្ននេះ គូស្វាមីភរិយាតារាប្រុសស្រីទាំងពីរ មិនបានបង្ហាញមុខកូនប្រុសរបស់ពួកគេនោះទេ ដើម្បីធានាភាពឯកជន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ