Rihanna ​ស្វាគមន៍​កូន​ស្រី ដំបូង ជាមួយ គូស្នេហ៍

កម្សាន្ត៖ តារា​ចម្រៀង​ និងជាសេដ្ឋីនី Rihanna បានបង្ហាញភាពភ្ញាក់ផ្អើល ដោយរូបនាងទើប​តែ​បាន​ស្វាគមន៍​កូន​ស្រីដែលទើបនឹងកើត ​ជាមួយ​នឹង​មិត្ត​ប្រុស​ ​គឺ​តារា​រ៉េប លោក A$AP Rocky។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើ Instagram នៅថ្ងៃទី ២៥ ខែកញ្ញា កន្លងទៅនេះ តារាចម្រៀងស្រី Rihanna បានបង្ហោះរូបថតរបស់នាង ពេលកំពុងបីកូនតូច ដែលទើបនឹងកើតរបស់នាង ជាមួយនឹងចំណងជើងថា «Rocki Irish Mayers ថ្ងៃទី ១៣ ខែកញ្ញា ឆ្នាំ ២០២៥» ។

ទារករូបនេះ ស្លៀកសម្លៀកបំពាក់ពណ៌ផ្កាឈូកស្រាល និងស្រោមជើងពណ៌ផ្កាឈូក។ ទន្ទឹម​នឹង​នេះ Rihanna បាន​ពាក់​ចិញ្ចៀន​មាស​ឆ្លាក់​អក្សរ​ថា «Mom» ក្នុង​ឱកាស​ដ៏​ពិសេស​នេះ។

Rocki គឺជាកូនស្រីដំបូងរបស់ Rihanna និង A$AP Rocky ។ គូស្នេហ៍មួយគូនេះ មានកូនប្រុសពីរនាក់រួចហើយគឺ RZA អាយុ ៣ ឆ្នាំនិង Riot អាយុ ២ ឆ្នាំ។ ពីមុនក្នុងអំឡុងពេលសន្ទនា នៅលើកំរាលព្រំក្រហមនៃខ្សែភាពយន្ត Smurfs ចាក់បញ្ចាំងក្នុងខែកក្កដា A$AP Rocky មិនបានបង្ហាញពីភេទរបស់ទារកនោះទេ ប៉ុន្តែបាននិយាយថា លោកបានរំពឹងថាកូនទីបីរបស់ខ្លួន គឺជាកូនស្រី៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ