Leonardo និង គូស្នេហ៍ ចេញមកកម្សាន្ត ជាមួយគ្នា យ៉ាងផ្អែមល្ហែម ក្នុងរូបភាពថ្មី

កម្សាន្ត៖ តារាសម្តែងប្រុស លោក Leonardo DiCaprio បានទាក់ទាញចំណាប់អារម្មណ៍ ដោយបានបង្ហាញខ្លួនជាមួយនឹងការជ្រើសរើសស្លៀកពាក់អាវក្រណាត់រលុង និងខោខ្លី ក្នុងថ្ងៃណាត់ជួប ជាមួយគូស្នេហ៍ ដែលជាកំពូលតារាម៉ូដែល Vittoria Ceretti ក្នុងទីក្រុង New York កាលពីថ្ងៃទី ២៣ ខែកញ្ញា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ លោក Leonardo DiCaprio បាន​ពាក់​អាវពណ៌​ប្រផេះ​បែបរលុង ​ដែលមាន​អក្សរ​បោះពុម្ព​នៅលើ​ទ្រូង និង​គំនូរ​ភ្លើង​នៅលើ​ដៃ ផ្គូផ្គង ជាមួយនឹងខោខ្លី និងស្បែកជើងប៉ាតាពណ៌ស។ តារាហូលីវូដរូបនេះ បានពាក់មួកកីឡាបេស្បល និងម៉ាស ដើម្បីកុំឱ្យគេមើលស្គាល់។ 

ទន្ទឹមនឹងនេះដែរ គូស្នេហ៍របស់ Leonardo ដែលជាតារាម៉ូដែលស្រី Vittoria Ceretti បានបង្ហាញភាពឆើតឆាយរបស់នាង ក្នុងអាវដៃវែងពណ៌ស ខោជើងវែងពណ៌ខ្មៅ ស្បែកជើងស្បែក និងកាបូបស្បែកពណ៌ខ្មៅដែលមានខ្សែច្រវ៉ាក់មាស។ តារា​ម៉ូដែល​ស្រីវ័យ ២៧ ឆ្នាំ​រូប​នេះ ​បានលេងស្ទាយ៍ទម្លាក់សក់​ចុះ​តាម​ធម្មជាតិ។

យ៉ាងណាមិញ គូស្នេហ៍​មួយ​គូ​នេះ ​មើល​ទៅ​ដូច​ជា​គូស្នេហ៍​ធម្មតា​ នៅ​តាម​ផ្លូវ​ដើរ​កាន់​ដៃ​គ្នា។ អ្នក​ទាំង​ពីរ​ បាន​ឈប់​នៅ​ហាងលក់អំណោយ ហើយ​ឈប់​នៅ​ហាង​បង្អែម​មួយ​កន្លែង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ