ស្វាមី Selena បង្ហាញរូបភាព យ៉ាងផ្អែមល្ហែម ក្រោយ រៀបការរួច

កម្សាន្ត៖ តន្ត្រីករ លោក Benny Blanco បានបង្ហោះរូបថតផ្អែមល្ហែមនៅលើ Instagram ជាមួយនឹងភរិយា Selena Gomez មួយថ្ងៃបន្ទាប់ពី អាពាហ៍ពិពាហ៍របស់ពួកគេ នៅថ្ងៃទី ២៧ ខែកញ្ញា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរូបថតមួយសន្លឹក Selena Gomez បានបង្ហាញខ្លួន ពាក់រ៉ូបអាពាហ៍ពិពាហ៍ដ៏ស្រស់ស្អាត សម្រាកនៅលើសាឡុងជាមួយ Benny ។ ក្នុងការថត Selfie មួយ គូស្វាមីភរិយាថ្មីថ្មោងមួយគូនេះ ដេកលើគ្រែ Selena កើយនៅលើដៃស្វាមីនាង បន្ទាប់ពីថ្ងៃដ៏មមាញឹក ខណៈពេលដែល Benny ពាក់អាវយឺតពណ៌ខ្មៅឱបប្រពន្ធរបស់ខ្លួន យ៉ាងស្និទ្ធស្នាល។ តន្ត្រីកររូបនេះ ក៏បានបង្ហោះរូបថត ពេលកំពុងកាន់ដៃគ្នាបង្ហាញចិញ្ចៀនអាពាហ៍ពិពាហ៍ផងដែរ។

មិនត្រឹមតែប៉ុណ្ណោះ Benny Blanco មិនអាចលាក់សុភមង្គលរបស់ខ្លួនបានទេ នៅពេលដែលចេញមកបង្ហាញ ដោយសរសេរចំណងជើងថា «ខ្ញុំបានរៀបការជាមួយព្រះនាង Disney ក្នុងជីវិតពិត»។

គួររំឮកផងដែរថា នាល្ងាច​បន្ទាប់​ពី​រៀប​ការ Selena Gomez បាន​ចែក​រំលែក​រូប​ថត​អាពាហ៍ពិពាហ៍ នៅលើ Instagram ដោយបានស្លៀករ៉ូបអាពាហ៍ពិពាហ៍ Ralph Lauren បង្ហាញខ្នងដ៏សិចស៊ី។ ខណៈ Benny Blanco ពាក់អាវ Tuxedo រួមបញ្ចូលគ្នាជាមួយអាវពណ៌ស និងក្រវ៉ាត់បូពណ៌ខ្មៅ។ គូស្នេហ៍​មួយគូ​នេះ​ បាន​ថត​ថើប​គ្នា​យ៉ាង​ស្និទ្ធស្នាល​នៅ​ក្នុង​ទីធ្លា​ខាងក្រោយ​វិមាន​ ដែល​រៀបចំ​ពិធី​មង្គលការ ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ