Taylor Swift បង្ហាញភាពស្រស់ស្អាត ត្រូវគេចាប់អារម្មណ៍ លើរឿងនេះ

កម្សាន្ត៖ តារា​ចម្រៀងស្រី Taylor Swift បានទាក់ទាញចំណាប់អារម្មណ៍ ដោយបាន​ពាក់​ចិញ្ចៀន​ភ្ជាប់​ពាក្យ​តម្លៃ​រាប់​លាន​ដុល្លារ​ ក្នុង​កម្មវិធី The Graham Norton Show ដើម្បី​ផ្សព្វផ្សាយ​អាល់ប៊ុម​ថ្មី​របស់​នាង​ នៅ​ថ្ងៃ​ទី ២ ខែ​តុលា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារា​ចម្រៀង​ស្រី​រូប​នេះ​ បាន​បង្ហាញ​ខ្លួន​យ៉ាង​ស្រស់​ស្អាត​ក្នុង​កម្មវិធី​ជជែក​កម្សាន្ត​របស់​ប្រទេស​អង់គ្លេស ដោយ​ស្លៀក​រ៉ូប​ពណ៌​ខ្មៅ​យ៉ាងប្រណិត​ជាមួយ​នឹង​ម៉ូតក្រវាត់​ក.គ្រីស្តាល់ រួម​ជាមួយ​គ្រឿង​អលង្ការ​ពេជ្រ និង​លាបបបូរ​មាត់​ពណ៌​ក្រហម។ ទោះជាយ៉ាងណាក៏ដោយ ចំណុចកណ្តាលនៃការចាប់អារម្មណ៍គឺ ចិញ្ចៀនពេជ្រភ្លឺឆ្វាចនៅលើម្រាមដៃចិញ្ចៀនរបស់នាង ដែលជាកាដូភ្ជាប់ពាក្យដែល Travis Kelce ផ្តល់ឱ្យទៅ Taylor Swift ជាងមួយខែមុន។

ចិញ្ចៀនមួយនេះ ត្រូវបានឆ្លាក់យ៉ាងផ្ចិតផ្ចង់ ជាមួយនឹងគ្រាប់ពេជ្រដែលកាត់ដោយ Old Mine Brilliant-cut (ជាធម្មតាមានរាងការ៉េជាមួយនឹងជ្រុងមូល)។ រូបនាង គឺជាអ្នកដែលបានបង្កើតគំនិតរចនា ដោយសហការជាមួយក្រុមហ៊ុនគ្រឿងអលង្ការ Kindred Lubeck នៃម៉ាកគ្រឿងអលង្ការប្រណីត Artifex Fine Jewelry ។ ចិញ្ចៀន​ដែល​មាន​រចនាប័ទ្ម​បុរាណ ​ត្រូវ​បាន​គេ​និយាយ​ថា ​ត្រូវ​គ្នា​យ៉ាង​ល្អ​ឥតខ្ចោះ​ជាមួយ​នឹង​ស្ទីល​រ៉ូមែនទិក និង​រសជាតិ​របស់ Taylor។ អ្នក​ជំនាញ​ផ្នែក​គ្រឿង​អលង្ការ​មួយ​ចំនួន ​ឲ្យ​តម្លៃ​ចិញ្ចៀន​ដ៏​ពិសេស​នេះ ​ដល់​ទៅ ៥ លាន​ដុល្លារ។

កម្មវិធី​ជជែក​នេះ Taylor បានបង្ហាញ​ខ្លួន​ជា​សាធារណៈ​លើក​ដំបូង​របស់ ចាប់​តាំង​ពី​ភ្ជាប់​ពាក្យ។ អ្នកគាំទ្រ នឹងបានមើលចិញ្ចៀនភ្ជាប់ពាក្យដ៏ថ្លៃរបស់នាងនៅពេលដែលកម្មវិធីចាក់ផ្សាយនៅថ្ងៃទី ៣ ខែតុលា។

គួររំឮកផងដែរថា តារាចម្រៀង Taylor Swift និង កីឡាករ Travis Kelce បានប្រកាសពីការភ្ជាប់ពាក្យរបស់ពួកគេ នៅថ្ងៃទី ២៦ ខែសីហា នៅក្នុងការបង្ហោះរួមគ្នានៅលើ Instagram ។ គូស្នេហ៍​មួយគូ​នេះ ​បាន​ចែករំលែក​រូបថត​រ៉ូមែនទិក​ជា​បន្តបន្ទាប់ ​ក្នុង​ទីធ្លា​ពោរពេញ​ដោយ​ផ្កា​ដោយ​មាន​ចំណង​ជើង​ថា «គ្រូ​អក្សរសាស្ត្រ និង​គ្រូ​ហាត់ប្រាណ​របស់​អ្នក​ រៀបការ​ហើយ»៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ