Taylor Swift បង្ហាញភាពស្រស់ស្អាត ក្នុងពិធីរៀបការ Selena

កម្សាន្ត៖ តារាចម្រៀងស្រី Selena Gomez បានបង្ហាញពីពេលវេលាដ៏ផ្អែមល្ហែមជាមួយមិត្តសម្លាញ់របស់នាង គឺតារាចម្រៀងស្រី Taylor Swift ក្នុងពិធីមង្គលការរបស់ខ្លួន ដែលបានធ្វើឡើងកាលពីថ្ងៃទី ២៧ ខែកញ្ញា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងឱកាសដែល Taylor Swift បានចេញអាល់ប៊ុម The Life of a Showgirl តារាចម្រៀងស្រី Selena Gomez បានបង្ហោះរូបថតជាច្រើនសន្លឹកជាមួយ Taylor ក្នុងពិធីមង្គលការ កាលពីមួយសប្តាហ៍មុន ដើម្បីបង្ហាញពីភាពស្និទ្ធស្នាលជិត ២ ទសវត្សរ៍របស់ពួកគេ។ ក្នុងនោះដែរ Selena បានសរសេរថា «ជាកិត្តិយសដល់ Showgirl... សំណាងណាស់ដែលនៅតែមានអ្នកនៅក្បែរខ្ញុំ បន្ទាប់ពីជិត ២០ ឆ្នាំ! ស្រឡាញ់អ្នក ជារៀងរហូត Taylor Swift»។

នៅក្នុងរូបថតដំបូង Taylor Swift និង Selena Gomez បានលើកកែវឡើង ជាមួយគ្នានៅក្នុងបន្ទប់កូនក្រមុំ។ តារា​ចម្រៀង Taylor Swift បានពាក់​រ៉ូប​ពណ៌​ផ្កាឈូក លាយត្នោតខ្ចី កវាលជ្រៅ និងបានតុបតែង​យ៉ាង​ល្អិតល្អន់​ជាមួយ​ឈុត​ផ្កា​ភ្លើង។ Taylor បាន​តែងសក់​របស់​នាង​តាមម៉ូតបែបបុរាណ ហើយ​លាបបបូរមាត់​ពណ៌​ក្រហម​ ផងដែរ។ Selena Gomez បាន​បង្ហាញ​ខ្លួន​ក្នុង​សម្លៀក​បំពាក់​អាពាហ៍ពិពាហ៍ដែលជា​រ៉ូប​រលោង​ពណ៌​ស​ឆើតឆាយ។

នៅក្នុងរូបថតមួយសន្លឹកទៀត ដែលគេជឿថា បានថតនៅក្នុងពិធីមង្គលការ Taylor Swift បានឈរនៅក្នុងរ៉ូបពណ៌ខ្មៅគ្មានខ្សែ ជាមួយនឹងខ្សែកដ៏ស្រស់ស្អាត។ ទន្ទឹមនឹងនោះ កូនក្រមុំ Selena មើលទៅមានភាពស្រស់ស្អាតក្នុងរ៉ូបដៃវែងពណ៌ស។ វីដេអូដែលភ្ជាប់មកជាមួយនេះ ក៏បានថតបាននូវទិដ្ឋភាពដ៏គួរឲ្យស្រលាញ់រវាងមិត្តភ័ក្តិទាំងពីរនៅក្នុងបន្ទប់តុបតែងមុខមុនពេលចូលរោងការ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ