Jennifer Lopez និង អតីតស្វាមី ចូលរួមកម្មវិធី ជាមួយគ្នា ជាលើកដំបូង ត្រូវគេចាប់អារម្មណ៍ លើរឿងនេះ

កម្សាន្ត៖ មួយឆ្នាំបន្ទាប់ពីការលែងលះ តារាសម្ដែង លោក Ben Affleck និង តារាចម្រៀងស្រី Jennifer Lopez បានចូលរួមក្នុងព្រឹត្តិការណ៍មួយជាមួយគ្នាជាលើកដំបូង នៅថ្ងៃទី ៦ ខែតុលា នៅទីក្រុងញូវយ៉ក ដោយបានទាក់ទាញការចាប់អារម្មណ៍ជាមួយនឹងកាយវិការបែបស្និទ្ធស្នាលរបស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អតីតគូស្វាមីភរិយាមួយគូនេះ បានចូលរួមការបញ្ចាំងភាពយន្តរឿង Kiss of the Spider Woman ដែលជាការងារដែល Jennifer ដើរតួសំខាន់ ចំណែក Ben មានតួនាទីជាអ្នកផលិតប្រតិបត្តិ។

នៅលើកម្រាលព្រំក្រហម តារាសម្ដែងប្រុសរូបនេះ បានឱបចង្កេះអតីតភរិយា ដើម្បីថតរូប។ រូបលោក ក៏បានឈរក្បែរ Jennifer Lopez ដើម្បីខ្សឹបខ្សៀវជជែកគ្នាលេង ហើយអ្នកទាំងពីរសើចយ៉ាងសប្បាយរីករាយ។ អតីត​គូស្វាមីភរិយាមួយនេះ មើល​ទៅ​មាន​ភាព​ស្រស់​ស្អាត និង​មានភាពសុខស្រួល នៅ​ពី​មុខ​កាមេរ៉ា។

Jennifer Lopez មានលេចធ្លោក្នុងសម្លៀកបំពាក់ពណ៌បៃតងអូលីវ ជាមួយនឹងលំនាំដ៏ប្រណិត គួបផ្សំជាមួយនឹងរូបចម្លាក់លម្អិត ដើម្បីបង្កើតឥទ្ធិពលដែលនឹកឃើញដល់បណ្តាញពីងពាង ដែលស័ក្តិសមសម្រាប់ប្រធានបទនៃភាពយន្ត។ ទន្ទឹមនឹងនោះ Ben Affleck ស្លៀកឈុតពណ៌ទឹកប៊ិចបែបទាន់សម័យ និងអាវពណ៌ស។

មុន​ពេល​ចាក់​បញ្ចាំង Jennifer Lopez បាន​ណែនាំ​រឿង​នេះ និង​អរគុណ​ដល់អតីត​ស្វាមី និង​ក្រុមហ៊ុន​ផលិត​ភាពយន្ត​របស់​លោក។ នាងបាននិយាយថា «អរគុណអ្នកទាំងអស់គ្នាដែលបានមកទីនេះ។ អរគុណ Ben ។ ខ្សែភាពយន្តនេះ នឹងមិនត្រូវបានធ្វើឡើងដោយគ្មាន Ben និង Artist Equity នោះទេ»។

គួររំឮកផងដែរថា Jennifer Lopez និង Ben Affleck បានដាក់ពាក្យលែងលះគ្នា ក្នុងខែសីហា ឆ្នាំ ២០២៤ ហើយបានបញ្ចប់ដំណើរការនៅដើមឆ្នាំនេះ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ