អបអរសាទរ! GOAT ម្នាក់នេះ ក្លាយជាមហាសេដ្ឋីដំបូងគេ ដែលមានអាជីពជាកីឡាករបាល់ទាត់

កីឡា៖ យោងតាមការចុះផ្សាយពី The Guardian ដោយមានការគុណគូពី Bloomberv Billionaires Index បានឲ្យដឹងថា កំពូលខ្សែប្រយុទ្ធ Cristiano Ronaldo បានក្លាយជាមហាសេដ្ឋីដំបូងគេ ដែលមានអាជីពជាកីឡាករបាល់ទាត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាពេលនេះ ទ្រព្យសម្បត្តិសរុបរបស់ កីឡាករសញ្ជាតិព័រទុយកាល់រូបនេះបានឡើងដល់ ១.៤ពាន់លានដុល្លារ ដែលធ្វើឲ្យរូបគេបានឡើងឋានៈក្លាយទៅជា "មហាសេដ្ឋី" ទៅហើយ។ ការកើនឡើងនៃទ្រព្យសម្បត្តិរបស់ ម្ចាស់ពាន Ballon d'Or ៥សម័យរូបនេះ គឺមកពីរូបគេបានចុះកុងត្រាថ្មីក្នុងការស្នាក់នៅក្លិប Al-Nassr ដែលជាក្លិបនៅប្រទេសអារ៉ាប់ប៊ីសាអូឌីត ដែលសរុបទៅ Ronaldo ទទួលបានប្រាក់ជាង ៤០០លានដុល្លារ។

Bloomberg ក៏បានបញ្ជាក់ដែរថា Cristiano Ronaldo រកប្រាក់បានលើសពី  ៥៥០លានដុល្លារ ចន្លោះពីឆ្នាំ២០០២-២០២៣ ហើយការចុះកុងត្រាធ្វើជាអ្នកតំណាងរបស់ម៉ាកយីហោល្បីៗមិនថា Nike, Armani និង Castrol ធ្វើឲ្យគេកើនទ្រព្យជាង ១៧៥លានដុល្លារទៀតផង។

ម្យ៉ាងទៀតការផ្លាស់របស់ Ronaldo ពី Manchester United ទៅកាន់ក្លិប Al-Nassr បានធ្វើឲ្យគេក្លាយជាកីឡាករដែលទទួលបានប្រាក់ឈ្នួលខ្ពស់បំផុតក្នុងប្រវត្តិសាស្ត្របាល់ទាត់ គឺទទួលបានប្រាក់ប្រចាំឆ្នាំខ្ទង់ ៣៥៨លានដុល្លារឯណោះ បូករួមទាំងភាគហ៊ុនចំនួន១៥ភាគរយ ពីក្លិបនេះផងដែរ។

នេះធ្វើឲ្យ Cristiano Ronaldo ជាអត្តពលិកម្នាក់ដែលមានងារជា "មហាសេដ្ឋី" រួមជាមួយនឹងកីឡាករបាល់បោះដូចជា Michael Jordan, Magic Johnson , LeBron James អ្នកវាយកូនគោល Tiger Woods និងកីឡាករវាយតេន្នីស Roger Federer ផងដែរ៕