កូនស្រី David Beckham បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ Harper ដែលជាកូនស្រីពៅ របស់អតីតកីឡាករបាល់ទាត់ លោក David Beckham បានធ្វើឲ្យទស្សនិកជនមានការចាប់អារម្មណ៍ ក្រោយ រូបនាង បានបង្ហាញវត្តមាន និងតុបតែងខ្លួន ពាក់ខ្សែកមាស 18k ជាមួយនឹងគំនូរផ្កាក្លាំពូ (clover) ដែលធ្វើពី onyx ពណ៌ខ្មៅ នៅពេលនាងចូលរួមក្នុងការបញ្ចាំងភាពយន្តឯកសាររបស់ម្តាយនាង កាលពីថ្ងៃទី ៨ ខែតុលា កន្លងទៅនេះ នៅទីក្រុងឡុងដ៍ ជាមួយឪពុក និងបងប្អូនរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កូនស្រីរបស់អតីតកីឡាករបាល់ទាត់រូបនេះ បានទាក់ទាញការចាប់អារម្មណ៍ពីប្រព័ន្ធផ្សព្វផ្សាយ ដោយសាររូបរាងស្អាត និងអត្តចរិកថ្លៃថ្នូរ។ រូបនាងបានបង្ហាញខ្លួនយ៉ាងស្រស់ស្អាត ក្នុងឈុតរ៉ូបពណ៌ខ្មៅ ដែលរចនាដោយម្តាយរបស់នាង ជាមួយនឹងតម្លៃលក់រាយ ១៨៩០ ផោន ។

ក្មេងស្រីវ័យ ១៤ឆ្នាំរូបនេះ បានទុកសក់ពណ៌ទង់ដែងភ្លឺចាំងទម្លាក់ចុះក្រោម និងបានបង្ហាញជាមួយនឹងខ្សែក Alhambra ដោយម៉ាក Van Cleef & Arpels ជាមួយនឹងតម្លៃរាយ ជិត ៧០០០ ផោន នៅលើបញ្ជីក្នុងគេហទំព័រ។ គ្រឿងអលង្ការរបស់ Harper ត្រូវបានធ្វើពី onyx ខ្មៅ និងមាស 18k ជាមួយនឹងគំនូរបំផុសគំនិតដោយ clover ដែលជានិមិត្តសញ្ញាសំណាង។

Harper Seven Beckham កើតក្នុងឆ្នាំ ២០១១ ជាកូនស្រីពៅរបស់អតីតកីឡាករបាល់ទាត់ លោក David Beckham និង ភរិយា Victoria Beckham ។ Harper មានបងប្អូនប្រុសបីនាក់គឺ Brooklyn , Romeo និង Cruz ។ ក្នុងនាមជាកូនស្រីតែម្នាក់គត់ នៅក្នុងគ្រួសារអ្នកមាន និងល្បីល្បាញក្នុងហូលីវូដ Harper បានទាក់ទាញចំណាប់អារម្មណ៍ ពីប្រព័ន្ធផ្សព្វផ្សាយតាំងពីកុមារភាព ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ