រូបភាពថ្មី Justin និង ភរិយា ចេញមកកម្សាន្ត ជាមួយគ្នា ត្រូវគេចាប់អារម្មណ៍ លើរឿងនេះ

កម្សាន្ត៖ តារាចម្រៀងប្រុស លោក Justin Bieber បានទាក់ទាញការចាប់អារម្មណ៍ ជាមួយនឹងការបង្ហាញខ្លួន បង្ហាញឲ្យឃើញពុកចង្ការក្រាស់ លេងស្ទាយ៍ជាមួយមួករោមចៀម ដែលត្រូវបានអ្នកគាំទ្រជាច្រើន ចំអកថា មើលទៅដូច បុរសវ័យចំណាស់ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើ Instagram កាលពីថ្ងៃទី ១២ ខែតុលា កន្លងទៅនេះ តារាចម្រៀងប្រុស លោក Justin Bieber បានបង្ហោះរូបថតជាច្រើនសន្លឹកនៃវិស្សមកាលរបស់ខ្លួន ជាមួយប្រពន្ធ នៅតំបន់ភ្នំដ៏ស្ងប់ស្ងាត់មួយ។ Justin និង Hailey បានតុបតែងខ្លួន ដោយស្លៀក​សម្លៀក​បំពាក់​ដ៏​កក់ក្តៅ​ ដើម្បី​ចែវ​ទូក​មើល​ទេសភាព​បឹង។ ខណៈពេលដែល Hailey ស្លៀកសម្លៀកបំពាក់ស្បែកបែបទាន់សម័យ តារាចម្រៀងប្រុសរូបនេះ បានពាក់អាវរោម និងមួករោមចៀមពណ៌ត្នោត ដែលជាស្ទីលប្លែកពីគេ។

យ៉ាងណាមិញ រូបថត​របស់ Justin Bieber និង​ ភរិយា ​ត្រូវ​បាន​គេ​ចែក​រំលែក​នៅ​លើ​វេទិកា​អនឡាញ​ជា​ច្រើន​ ដែល​ទាក់​ទាញ​មតិ​ចម្រុះ។ ទស្សនិកជនមួយចំនួន បានចំអក Justin ដោយលើកឡើងថា រូបលោកមើលទៅដូចមនុស្សចាស់ គ្មានផ្ទះសម្បែង និងផ្ដល់ការណែនាំឲ្យរូបលោក ថែរក្សារូបរាងរបស់ខ្លួន ទៀតផង។

ទោះជាយ៉ាងណាក៏ដោយ អ្នកគាំទ្រផ្សេងទៀតបានបញ្ចេញមតិថា Justin Bieber មើលទៅពេញដោយរស្មី និងបាននិយាយថា អ្វីដែលសំខាន់បំផុតនោះគឺថា រូបលោកសប្បាយចិត្តជាមួយនឹងប្រពន្ធរបស់លោក មិនមែនរូបរាងរបស់លោកនោះទេ។ អ្នកគាំទ្រជាច្រើន បានផ្ញើសារជូនពរ តារាចម្រៀងរូបនេះ ជួបតែសេចក្តីសុខ និងមានភាពកក់ក្តៅជាមួយភរិយា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ