Zidane ថា តារាឆ្នើមជំនាន់ថ្មី៣រូបនេះ ធ្វើឲ្យលោករំភើបណាស់ពេលគេលេងម្ដងៗ

កីឡា៖ អតីតអ្នកចាត់ការឆ្នើមរបស់ក្លិប Real Madrid គឺលោក Zidane Zidane បានបង្ហើបឲ្យដឹងថាកីឡាករជំនាន់ថ្មីបីរូបដូចជា ខ្សែប្រយុទ្ធ Lamine Yamal, Vintinha និង Joao Neves គឺជាកីឡាករដែលធ្វើឲ្យលោកមានការរំភើបនឹងមើលពួកគេលេងខ្លាំងបំផុត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Yamal គឺជាតារាឆ្នើមជំនាន់ថ្មីដ៏ល្បីល្បាញរបស់ក្លិប Barcelona ដែលជារឿយៗតែងតែត្រូវគេយកទៅប្រៀបធៀបជាមួយនឹង Lionel Messi ដោយសារតែសមត្ថភាពរកគ្រាប់បាល់និងតាក់ទិចនៃការលេងរបស់គេ។ Yamal ជាប់លេខ២ក្នុងបញ្ជីកីឡាករដែលមានសិទ្ធិឈ្នះពាន Ballon d'Or នៅឆ្នាំនេះទៀតផងដែលទោះមិនបានឈ្នះពាននេះក្ដី ក៏កីឡាករសញ្ជាតិអេស្ប៉ាញរូបនេះត្រូវគេលើកយកមកកោតសរសើរជារឿយៗ។ បើគិតពីការលេងនៅក្លិបវិញ វ័យត្រឹម១៨ឆ្នាំសោះ គឺ Yamal បានបង្ហាញខ្លួនចំនួន១១១ប្រកួត ដោយក្នុងនោះស៊ុតបញ្ចូលទីបាន ២៧គ្រាប់និងបញ្ជូនបាល់៣៨គ្រាប់។

Vitinha ឯណោះជាខ្សែបម្រើដ៏ឆ្នើម និងជាកីឡាករស្នូលមួយរូបរបស់ Paris Saint-Germain ដែលទើបតែផ្ទេរមកក្លិបនេះនាឆ្នាំ២០២២ប៉ុណ្ណោះ។ កីឡាករវ័យ២៥ឆ្នាំរូបនេះបានបង្ហាញខ្លួនចំនួន១៦៣ប្រកួតឲ្យក្លិប រកបាន២០គ្រាប់និងបញ្ជូនបាល់ ១៨គ្រាប់ ហើយគេជាផ្នែកដ៏សំខាន់មួយជួយឲ្យ PSG ឈ្នះពាន Champions League នារដូវកាលមុនថែមទៀតផង។

ខណៈនោះ Joao Neves ដែលជាមិត្តរួមក្រុមរបស់ Vintinha ទើបតែផ្លាស់មកទឹកដី Parc des Princes ពី Benfica នាឆ្នាំ២០២៤ប៉ុណ្ណោះ ដោយបានចូលលេង៦៣ប្រកួតឲ្យភាគីលោក Luis Enrique ដោយរកបាន១០គ្រាប់ និងបញ្ជូនបាល់១០គ្រាប់។

យ៉ាងណាមិញ លោក Zidane បានថ្លែងកោតសរសើរពួកគេថា៖

"បើមិនគិតពីតំណែងលេងទេ កីឡាករម្នាក់ដែលធ្វើឲ្យខ្ញុំរំភើបចិត្តពេលដែលគេប៉ះបាល់គឺ Lamine Yamal ជាពិសេសក្នុងការប្រកួតទល់នឹង Inter កាលពីឆ្នាំមុននៅ San Siro ក្នុងការប្រកួត Champions League គឺគេបានធ្វើគ្រប់យ៉ាងដោយខ្លួនឯង។ បន្ទាប់មកខ្ញុំគិតដល់ Vitinha ឬ Joao Neves...បាល់តែងតែជាប់ជើងពួកគេជានិច្ច។"

ប្រភព៖: sportskeeda