Ronaldo បំបែកកំណត់ត្រាពិសេសមួយទៀតហើយ ក្រោយស៊ុត២គ្រាប់ ប៉ះហុងគ្រីយប់មិញ

កីឡា៖ កាលពីយប់ថ្ងៃទី១៤ខែតុលាកន្លងទៅនេះ កំពូលខ្សែប្រយុទ្ធ Cristiano Ronaldo បានបំបែកកំណត់ត្រាយ៉ាងពិសេសមួយក្នុងការប្រកួតវគ្គជម្រុះបាល់ទាត់ពិភពលោក FIFA World Cup Qualifiers បន្ទាប់ពីស៊ុតបញ្ចូលទី២គ្រាប់ទល់នឹងហុងគ្រី ដែលព័រទុយកាល់ប្រកួតស្មើហុងគ្រី ២ ទល់នឹង២។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រធានក្រុមព័រទុយកាល់រូបនេះ បានស៊ុតបញ្ចូលសរុប៤១គ្រាប់ហើយឲ្យក្រុមជម្រើសជាតិព័រទុយកាល់ បើគិតពីវគ្គជម្រុះបាល់ទាត់ពិភពលោក ដែលបាននាំមុខ Guatemala Carlos Ruiz ដែលស៊ុតបាន៣៩គ្រាប់។

២គ្រាប់របស់ Ronaldo យប់មិញបានធ្វើឲ្យរូបគេបំបែកកំណត់ត្រាក្លាយជាកីឡាករដែលស៊ុតបញ្ចូលទីនៅវគ្គជម្រុះបាល់ទាត់ពិភពលោកបានច្រើនជាងគេបំផុត ដែលជាសមិទ្ធផលមួយដ៏អស្ចារ្យសម្រាប់ម្ចាស់ពាន Ballon d'Or ៥សម័យរូបនេះ។

ខណៈនោះដែរគេមិនទាន់ដឹងច្បាស់ទេថា Cristiano Ronaldo នឹងបង្ហាញវត្តមានក្នុងការប្រកួតបាល់ទាត់ពិភពលោក FIFA World Cup ឆ្នាំ២០២៦ខាងមុខនេះឬអត់ ប៉ុន្តែ មានភាគរយខ្ពស់ដែលរូបគេអាចនឹងចូលលេង។

គួរបញ្ជាក់ផងដែរថា Ronaldo បានស៊ុតបញ្ចូលទី១៤១គ្រាប់ឲ្យព័រទុយកាល់ក្នុងការប្រកួតទាំងអស់ សម្រាប់ការបង្ហាញខ្លួន២២៥លើក៕