មិនមែនតែ Ronaldo ទេ! ព្រឹកមិញ Messi ក៏បំបែកកំណត់ត្រាពិសេសមួយ ទល់នឹង ព័រតូ រីកូ!

កីឡា៖ កាលពីព្រឹកថ្ងៃទី១៥ខែតុលាកន្លងទៅនេះ ក្រុមជម្រើសជាតិអាហ្សង់ទីនដែលជាម្ចាស់ជើងឯកបាល់ទាត់ពិភពលោកឆ្នាំ ២០២២ បានធ្វើដំណើរទៅប្រកួតជាមួយ ព័រតូ រីកូ ក្នុងការប្រកួតវគ្គជម្រុះបាល់ទាត់ពិភពលោកឆ្នាំ២០២៦ (FIFA World Cup Qualifiers)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះប្រធានក្រុម Lionel Messi ជាម្ចាស់ពាន Ballon d'Or ៨សម័យក៏បានចូលរួមប្រកួតផងដែរ ដែលទោះ Messi មិនបានស៊ុតបញ្ចូលទីមែនតែរូបគេបានចូលរួមបញ្ជូនបាល់ឲ្យមិត្តរួមក្រុមស៊ុត ដែលសរុបលទ្ធផល អាហ្សង់ទីន បានយកឈ្នះ ព័រតូរីកូ ៦ទល់នឹង០ ស៊ុតបញ្ចូលទីដោយ Alex Mac Allister ២គ្រាប់, Motiel ១គ្រាប់, ខាងព័រតូរីកូ ស៊ុតចូលទីខ្លួនឯង ដោយកីឡាករ Echevarria ១គ្រាប់និង Lautaro Martinez ២គ្រាប់។

ការបញ្ជូនបាល់ឲ្យ Mac Allister និង Lautaro Martinez ស៊ុតរបស់ Messi បានធ្វើឲ្យគេក្លាយជាកីឡាករដែលបញ្ជូនបាល់ឲ្យមិត្តរួមក្រុមស៊ុត បានច្រើនបង្អស់ក្នុងប្រវត្តិសាស្ត្របាល់ទាត់គឺចំនួន៦០គ្រាប់ យកឈ្នះ Neymar Jr ដែលបញ្ជូនបាល់ឲ្យមិត្តរួមក្រុមស៊ុតបាន៥៨គ្រាប់៕