Pique ថា បើម្នាក់នេះបន្តលេងនៅ Barca បែបឈ្នះ Ballon d'Or បាត់ហើយ

កីឡា៖ អតីតខ្សែការពារឆ្នើម Gerard Pique គិតថាបើសិនជាខ្សែប្រយុទ្ធ Neymar Jr. មិនចាកចេញពី Barcelona ទេ រូបគេអាចនឹងមានឱកាសឈ្នះពានបាល់មាស Ballon d'Or មិនខាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Neymar ដែលពេលនេះក្លាយជាកីឡកររបស់ Santos ធ្លាប់ជាតារាឆ្នើមម្នាក់ដ៏លេចធ្លោក្នុងពិភពបាល់ទាត់ កាលរូបគេលេងនៅក្លិប Barcelona ប៉ុន្តែរូបគេបានសម្រេចចិត្តចាកចេញពីទឹកដី Camp Nou ចូលរួមជាមួយ Paris Saint-Germain ក្នុងតម្លៃផ្ទេរដ៏ថ្លៃគឺខ្ទង់ ២២២លានដុល្លារ កាលពីឆ្នាំ២០១៧។

បន្ទាប់ពីនោះមក ទម្រង់លេងរបស់ Neymar Jr. ហាក់ធ្លាក់ចុះជាងមុន និងពុំសូវមានឱកាសមានឈ្មោះប្រជែងយកពានរង្វាន់ផ្ទាល់ខ្លួនណាមួយនោះឡើយដែល Pique ជាអតីតមិត្តរួមក្រុមរបស់គេគិតថា ការចូលរួមជាមួយ PSG របស់ Neymar បានបង្អាក់មិនឲ្យគេមានឱកាសបានឈ្នះពានបាល់មាស Ballon d'Or ។

Pique បានបញ្ចេញយោបល់ថា៖

"ខ្ញុំជឿជាក់ថាគេអាចនឹងឈ្នះពាន Ballon d'Or ហើយខ្ញុំគិតថាការផ្ទេរទៅ PSG របស់គេគឺបានធ្វើឲ្យគេឈឺចាប់។ កាលណោះពួកយើងបានព្យាយាមបញ្ចុះបញ្ចូលគេកុំឲ្យទៅអី ពួកយើងបានធ្វើគ្រប់យ៉ាងដែលអាចរ ទៅរួច។ ពួកយើងរួមទាំងខ្ញុំដែរគិតថាគេនឹងស្នាក់នៅ Barcelona បន្ត ប៉ុន្តែមើលទៅដូចជាគេសម្រេចចិត្តរួចហើយ។ តែនៅចុងបញ្ចប់ គេនៅតែមានអាជីពមួយដ៏អស្ចារ្យ។"

ប្រភព៖: sportskeeda