Kim Kardashian ចេញមក និយាយ បែបនេះ ក្រោយ លែងលះគ្នា

កម្សាន្ត៖ សេដ្ឋីនី Kim Kardashian បានបើកចំហអំពីហេតុផលនៅពីក្រោយ ការរៀបការ របស់នាងជាមួយនឹង អតីតស្វាមី ដែលជាតារាចម្រៀងរ៉េប លោក Kanye West រួមទាំងការមិនគោរពរបស់ស្វាមីរបស់នាងចំពោះគ្រួសាររបស់នាង ក្រោយលែងលះគ្នា ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងកម្មវិធី Call Her Daddy កាលពីថ្ងៃពុធ កន្លងទៅនេះ នៅពេលដែល រូបនាងត្រូវបានសួរដោយពិធីករ Alex Cooper អំពីឧប្បត្តិហេតុដែលនាំឱ្យនាងសម្រេចចិត្តបញ្ចប់អាពាហ៍ពិពាហ៍រយៈពេលប្រាំពីរឆ្នាំ តារាស្រី Kim Kardashian បានឆ្លើយយ៉ាងបើកចំហថា «មានរឿងជាច្រើនដែលខ្ញុំទ្រាំមិនបាន។ ខ្ញុំមិនអាចទ្រាំទ្របានចំពោះអារម្មណ៍ ដែលនរណាម្នាក់និយាយអាក្រក់អំពីកូនរបស់ខ្ញុំ ជីដូនរបស់ខ្ញុំ មីងរបស់ខ្ញុំ ឬសាច់ញាតិរបស់ខ្ញុំទាំងអស់។ ប្រសិនបើមាននរណាម្នាក់មានអារម្មណ៍ថាពួកគេអាចធ្វើបាន នោះជាក់ស្តែង យើងមិនគួរនៅជាមួយគ្នាទេ»។

Kim Kardashian ក៏បានរំលឹកផងដែរថា Kanye West បាន លាតត្រដាងជីវិតឯកជនរបស់នាងច្រើនពេក ដូចជាការលាតត្រដាងជាសាធារណៈថា ពួកគេចាត់ទុកការរំលូតកូននៅពេលដែលនាងមានផ្ទៃពោះកូនដំបូងរបស់ពួកគេគឺ North ។ អតីតស្វាមីនាង បានប្រាប់រឿងនេះទៅកាន់ទស្សនិកជនយ៉ាងច្រើន ក្នុងអំឡុងពេលយុទ្ធនាការប្រធានាធិបតីឆ្នាំ ២០២០ ។

តារាស្រីវ័យ ៤៤ ឆ្នាំរូបនេះ បានបន្ថែមថា នាងមិនមានអារម្មណ៍សុវត្ថិភាពទាំងផ្លូវអារម្មណ៍ និងហិរញ្ញវត្ថុទេ ដោយបង្ហាញរឿងជាក់លាក់មួយថា «ខ្ញុំបានមកដល់ផ្ទះ ហើយមានរថយន្ត Lamborghini ប្រាំចតនៅទីនោះ។ ប៉ុន្តែបន្ទាប់មកនៅពេលដែល Kanye ខឹង ពួកវាបានបាត់ដោយសារតែគាត់បានឱ្យវា ទាំងអស់ទៅមិត្តភក្តិ»។

Kim Kardashian បាននិយាយថា នាងសម្រេចចិត្តលែងលះ ដោយសារតែនាងចង់ធ្វើជាគំរូដល់កូនៗរបស់នាង។ នាង​បាន​និយាយ​ថា​«​នៅ​ពេល​សុខភាព​ផ្លូវចិត្ត​របស់​ខ្ញុំ​ត្រូវ​បាន​ប៉ះពាល់ ខ្ញុំ​មិន​អាច​ធ្វើ​ជា​ម្តាយ​បាន​ត្រឹមត្រូវ​ទេ ខ្ញុំ​មិន​អាច​មាន​វត្តមាន និង​ផ្តោត​អារម្មណ៍​ដូច​ដែល​ខ្ញុំ​ត្រូវ​ធ្វើ​នោះ​ទេ​​។ ខ្ញុំត្រូវតែសង្គ្រោះខ្លួនឯង ដើម្បីខ្ញុំអាចក្លាយជាម្តាយដ៏ល្អម្នាក់។ ហើយខ្ញុំជឿថា នៅពេលដែលកូនរបស់ខ្ញុំធំឡើង ពួកគេនឹងយល់គ្រប់យ៉ាង» ។

គួរំឮកផងដែរថា Kanye West បានរៀបការជាមួយ Kim Kardashian ក្នុងឆ្នាំ ២០១៤ ហើយមានកូនបួននាក់ ជាមួយនាង។ អាពាហ៍ពិពាហ៍​របស់​អ្នកទាំងពីរ ​ត្រូវ​បាន​គេ​និយាយ​ថា​ មាន​ភាព​ចលាចល​ តាំងពី​ពាក់កណ្តាល​ឆ្នាំ ២០២០ ។ នៅឆ្នាំ ២០២២ បន្ទាប់ពីសកម្មភាពដ៏គួរឱ្យព្រួយបារម្ភរបស់ស្វាមីនាង Kim បានដាក់ពាក្យលែងលះជាផ្លូវការ ហើយពួកគេបានបញ្ចប់នីតិវិធីនៅខែវិច្ឆិកា ឆ្នាំ ២០២២៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព