David Beckham និង ភរិយា ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ អតីតកីឡាបាល់ទាត់ លោក David Beckham និង ភរិយា Victoria បានទាក់ទាញការចាប់អារម្មណ៍ ដោយពួកគេបង្ហាញវត្តមានជាមួយគ្នា ទៅភោជនីយដ្ឋានមួយ សម្រាប់អាហារពេលល្ងាច បន្ទាប់ពី បានធ្វើឱ្យមានភាពភ្ញាក់ផ្អើល ជាមួយនឹងពេលវេលាដ៏ផ្អែមល្ហែមរបស់ពួកគេទាំងពីរ នៅក្នុងខ្សែភាពយន្តឯកសារ Netflix ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Victoria និង David Beckham បានបង្ហាញភាពរីករាយនឹងការណាត់ជួបជាមួយគ្នា នៅទីក្រុងញូវយ៉ក កាលពីល្ងាចថ្ងៃទី ១៥ ខែតុលា កន្លងទៅនេះ។ អ្នកច្នៃម៉ូដ Victoria និងស្វាមី ដែលជាអតីតកីឡាករបាល់ទាត់ David Beckham បានទៅភោជនីយដ្ឋាន Balthazar ដែលជាកន្លែងពេញនិយមរបស់តារាល្បីក្នុងបញ្ជី A ។

ការបង្ហាញខ្លួនលើកនេះ Victoria បានពាក់រ៉ូបពណ៌ផ្កាឈូក ពីការខូលិកសិន របស់នាង រួមបញ្ចូលគ្នាជាមួយនឹងស្បែកជើងកែងពណ៌ក្រហម និងវ៉ែនតាធំ។ ចំណែក David មើលទៅមានភាពឆើតឆាយស្រស់សង្ហា ក្នុងឈុតSuit ក្រវ៉ាត់កពណ៌ទឹកប៊ិច ហើយបានកាន់ដៃភរិយាខ្លួនយ៉ាងតឹង នៅពេលនាងដើរក្នុងស្បែកជើងកែងចោត។

យោងតាមសារព័ត៌មាន Daily Mail បានឱ្យដឹងថា បន្ទាប់ពីអាហារពេលល្ងាចរួច គូស្វាមីភរិយាមួយគូនេះ បានប្រារព្ធពិធីជប់លៀងជាមួយទស្សនាវដ្តី Vogue នៅសណ្ឋាគារមួយកន្លែង ដើម្បីអបអរការចេញផ្សាយភាពយន្តឯកសារនេះ។ 

អ្នកទាំងពីរ មើល​ទៅ​ មានភាពស្និទ្ធស្នាល​មិន​គួរ​ឱ្យ​ជឿ ប៉ុន្មាន​ថ្ងៃ​បន្ទាប់​ពី​ភាពយន្ត​ឯកសារ​ថ្មី​របស់ Victoria បាន​ចាក់​ផ្សាយ​លើ Netflix។ រយៈពេលពីរឆ្នាំបន្ទាប់ពី David បានចេញផ្សាយភាពយន្តឯកសារផ្ទាល់ខ្លួនរបស់លោក មក ពេលនេះទស្សនិកជនបានស្វែងយល់បន្ថែមអំពីរឿងរ៉ាវស្នេហារយៈពេល ២៦ ឆ្នាំរបស់អ្នកទាំងពីរ ផងដែរ ៕

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ