Romano ថាតារាឆ្នើម Barca រូបនេះអាចនឹងចាកចេញពីក្លិប ដោយគ្មានតម្លៃខ្លួន

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា ខ្សែប្រយុទ្ធ Robert Lewandowski អាចនឹងមានភាគរយចាកចេញពីក្លិប Barcelona ដោយគ្មានតម្លៃខ្លួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាពេលនេះកុងត្រារបស់ Lewandowski ជាមួយ Barcelona ពុំមានការចរចាណាមួយកើតឡើងឡើយ ដែលមើលទៅក្លិបដូចជាមិនចង់ផ្ដល់កុងត្រាថ្មីដល់កីឡាករវ័យ ៣៧ឆ្នាំរូបនេះទេ ខណៈដែលកុងត្រារបស់គេនឹងអស់សុពុលភាព នៅខែមិថុនាឆ្នាំ២០២៦ខាងមុខនេះហើយ។

គួរបញ្ជាក់ផងដែរថា Robert Lewandowski បានផ្ទេរមកកាន់ក្លិប Barcelona កាលពីឆ្នាំ២០២២ ដោយបានស៊ុតបញ្ចូលទីសរុប ១០៥គ្រាប់ ក្នុងការបង្ហាញខ្លួន១៥៦ប្រកួត បើគិតត្រឹមខែកញ្ញាឆ្នាំ២០២៥នេះ៕