Gvardiol ថាកំពូលខ្សែប្រយុទ្ធរូបនេះ នៅតែជាកីឡាករល្អបំផុតក្នុងលោក

កីឡា៖ ខ្សែការពារឆ្នើមរបស់ក្លិប Manchester City គឺកីឡាករ Josko Gvardiol បានទម្លាយថា កំពូលខ្សែប្រយុទ្ធ Lionel Messi នៅតែជាកីឡាករដ៏ឆ្នើមបំផុតក្នុងពិភពលោកនាពេលនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កីឡាករសញ្ជាតិក្រូអាតរូបនេះបាននិយាយដែរថា មិនថាប៉ុន្មានឆ្នាំកន្លងផុតទៅ Lionel Messi នៅតែជាកីឡាករឆ្នើមសម្រាប់រូបគេ។

Messi ដែលពេលនេះលេងនៅ Inter Miami គឺចាត់ទុកជាកំពូលកីឡាករបាល់ទាត់ដ៏ឆ្នើម ដែលធ្លាប់ឈ្នះពានរង្វាន់រាប់មិនអស់ ហើយក្នុងនោះរូបគេជាកីឡាករតែម្នាក់គត់ដែលបានឈ្នះពានបាល់មាស Ballon d'Or ដល់ទៅ៨ដង ច្រើនជាងកីឡាករផ្សេងៗទៀតខណៈដែលរូបគេ ស៊ុតបញ្ចូលទីបានដល់ទៅ ៨៨៦គ្រាប់ ក្នុងការបង្ហាញខ្លួន ៣៩៨ប្រកួត សម្រាប់ទាំងក្លិបនិងជម្រើសជាតិ។ Messi ក៏បានឈ្នះពានរង្វាន់បាល់ទាត់ពិភពលោកដ៏អស្ចារ្យ កាលពីឆ្នាំ២០២២ផងដែរ។

Josko Gvardiol បានថ្លែងប្រាប់សារព័ត៌មាន ESPN UK ថា៖

"តើនរណាជាកីឡាករដ៏ល្អបំផុតក្នុងពិភពលោកនាពេលនេះ? រៀងរាល់ពេលដែលអ្នកសួរបែបនេះ ខ្ញុំនឹងតែងតែនិយាយថាគឺ Messi ។ ខ្ញុំធ្លាប់បានលេងទល់នឹងគេបីដង ពេលណាដែលគេចង់ គេតែងតែធ្វើឲ្យការប្រកួតមានការខុសប្លែកនិងសម្រេចចិត្តថានឹងឈ្នះការប្រកួត។"

ប្រភព៖: sportskeeda