ថៃយល់ព្រមដោះលែងវិរកងទ័ពខ្មែរទាំង១៨នាក់ហើយ យោងតាមកិច្ចព្រមព្រៀងសន្ដិភាព

លោក ប្រាក់ សុខុន រដ្ឋមន្រ្តីការបរទេសកម្ពុជាបានអោយដឹងថា តាមរយៈកិច្ចព្រមព្រៀងសន្តិភាពដែលសម្រេចបានក្នុងកិច្ចប្រជុំ នាថ្ងៃទី១៧ តុលា នៅម៉ាឡេស៊ីនោះ ភាគីថៃបានយល់ព្រមដោះ លែងទាហានកម្ពុជា១៨នាក់ ដែលថៃបានចាប់ខ្លួន និងបច្ចុប្បន្ន ស្ថិតក្នុងការគ្រប់គ្រងរបស់ខ្លួន។

កម្ពុជានិងថៃបានសម្រេចលើឯកសារមួយ ដែលអាចហៅថា កិច្ចព្រមព្រៀងសន្តិភាព បន្ទាប់ពីមានកិច្ចប្រជុំមួយនៅម៉ាឡេស៊ី កាលពីថ្ងៃទី១៧ ខែ តុលា រវាងរដ្ឋមន្រ្តីកាបរទេសកម្ពុជា និងថៃ ដោយមានរដ្ឋមន្រ្តីការបរទេសម៉ាឡេស៊ី និងមន្រ្តីជាន់ខ្ពស់អាមេរិកអ្នកសម្របសម្រួល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នេះបើយោងតាមរដ្ឋមន្រ្តីកាបរទេសកម្ពុជា លោក ប្រាក់ សុខុន បានប្រាប់ទូរទស្សន៍ជាតិកម្ពុជាកាលពីថ្ងៃទី១៨ ខែតុលា នៅ ពេលដែលលោកបានត្រឡប់មកពីកិច្ចប្រជុំនៅម៉ាឡេស៊ី ។

លោករដ្ឋមន្រ្តីសង្ឃឹមថា ឯកសារនេះនឹងត្រូវបានចុះហត្ថលេខា ដោយនាយករដ្ឋមន្រ្តីប្រទេសកម្ពុជានិងថៃ ដោយមានលោកដូ ណាល់ត្រាំនឹងចូលរួមជាសាក្សី និងនាយករដ្ឋមន្រ្តីម៉ាឡេស៊ី លោក អាន់វ៉ា អ៊ីប្រាហ៊ីម ជាម្ចាស់ផ្ទះ។

ការចុះហត្ថលេខានេះ នឹងត្រូវធ្វើឡើងនៅពេលដែលមេដឹកនាំ អាស៊ាន លោកដូណាល់ត្រាំ និង មេដឹកនាំជាច្រើនប្រទេសទៀត នឹងចូលរួមកិច្ចប្រជុំកំពូលអាស៊ានពីថ្ងៃទី២៦ ទៅ២៨ ខែតុលា ៕

ដកស្រង់ពី កោះសន្ដិភាព