ស្ងាត់ៗ លោក Pep ថាចង់យកកូនក្រុមចាស់ រូបនេះត្រឡប់មក Man City វិញ

កីឡា៖ លោក Pep Guardiola ជាគ្រូបង្វឹករបស់ក្រុម Manchester City បានសារភាពថាលោកពិតជាចង់យក ខ្សែប្រយុទ្ធ Julian Alvarez ដែលជាអតីតកូនក្រុមមកចូលរួមជាមួយក្លិបវិញណាស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Manchester City បានទិញកីឡាករសញ្ជាតិអាហ្សង់ទីនរូបនេះពីក្លិប River Plate កាលពីខែមករា ឆ្នាំ២០២២ ហើយបានបង្ហាញទម្រង់ដ៏គួរឲ្យកោតសរសើរ ដោយបានចូលលេងដល់ទៅ១០៣ប្រកួតសម្រាប់ក្លិបនេះ និងស៊ុតបញ្ចូលទី៣៦ គ្រាប់ព្រមទាំងបញ្ជូនបាល់១៩គ្រាប់។

ប៉ុន្តែដោយសារតែគេត្រូវប្រកួតប្រជែងតំណែងលេងជាមួយ Erling Haaland ដែលផ្លាស់ពី Borussia Dortmund មកទឹកដី Etihad នោះ ទើប Atletico Madrid មានការចាប់អារម្មណ៍លើកីឡាកររូបនេះ ទើប Alvarez បានសុំចាកចេញពីក្លិប។

ពេលមកដល់ Atletico Madrid ខ្សែប្រយុទ្ធរូបនេះរកបាន ២៣គ្រាប់ឲ្យក្លិបហើយ និងកំពុងក្លាយជាតារាឆ្នើមដ៏លេចធ្លោប្រចាំក្រុម ជាមួយថ្វីជើងនៅតែល្អដូចកាលលេងនៅ Man City អ៊ីចឹង។

ដោយឃើញពីការលេងរបស់គេបែបនេះ លោក Pep បាននិយាយថា៖ "កាលពីរដូវកាលលើកពានបីនោះ តើអ្នកចាំកីឡាករដែលខ្ញុំឲ្យអង្គុយបម្រុងនៅឆ្នាំនោះទេ? គឺ Aymeric Laporte ជាខ្សែការពារកណ្ដាលដ៏អស្ចារ្យ និងជាកីឡាករជម្រើស១១នាក់ដំបូងនៅក្រុមជម្រើសជាតិ និង Julian Alvarez និងអ្នកផ្សេងទៀតដែលខ្ញុំចង់យកមកវិញ ដែលពួកគេចង់មាននាទីលេងច្រើនជាងនេះ ទើបចាកចេញ។ Julian ត្រូវប្រជែងយកតំណែងជាមួយ Erling ដែលវាពិតជាមហស្ចារ្យណាស់សម្រាប់ពួកយើង។ ហើយជាមួយនឹងគ្រូបង្វឹកលំដាប់ពិភពលោក និងមិត្តរួមក្រុមរបស់គេ ពេលនេះគេពិតជាលេងបានល្អខ្លាំងណាស់។ ឥឡូវខ្ញុំពិតជាចង់បានគេនៅជាមួយខ្ញុំ...ប៉ុន្តែខ្ញុំយល់។"

ប្រភព៖: sportskeeda