ក្ដៅចិត្តពេក! Neville ថាកីឡាករ Liverpool រូបនេះលេងដូចក្មេង១០ឆ្នាំ ក្នុងការប្រកួតទល់នឹងបិសាចក្រហមយប់មិញ

កីឡា៖ លោក Gary Neville ដែលជាអតីតកីឡាកររបស់ Manchester United បានរិះគន់ចំៗទៅលើខ្សែការពារ Milos Kerkez របស់ក្លិបហង្សក្រហម Liverpool ថារូបគេលេងបាល់ដូចក្មេងអាយុ១០ឆ្នាំ ក្នុងការប្រកួតទល់នឹង បិសាចក្រហម Manchester United កាលពីយប់ ថ្ងៃអាទិត្យទី១៩កន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភាគីរបស់លោក Ruben Amorim បានយកឈ្នះ ម្ចាស់ជើងឯក Premier League កាលពីរដូវកាលមុន ក្នុងលទ្ធផល ២ទល់នឹង១ ដោយក្នុងនោះ Bryan Mbeumo និង Harry Maguire បានរួមគ្នាស៊ុតបញ្ចូលទីម្នាក់១គ្រាប់ ខណៈខាង Liverpool វិញគឺ Cody Gakpo រកបាន១គ្រាប់តែមិនអាចជួយឲ្យក្រុមឈ្នះបានឡើយ។

នេះជាការបរាជ័យលើកទី៣ជាប់ៗគ្នា ហើយសម្រាប់ភាគីលោក Arne Slot ក្នុងក្របខណ្ឌ Premier League ហើយបើគិតពីការប្រកួតគ្រប់ក្របខណ្ឌគឺ Liverpool បានចាញ់៤ប្រកួតជាប់ៗគ្នា ជាអ្វីដែលខានកើតឡើងតាំងពីឆ្នាំ២០១៤មកម៉្លេះ។

យ៉ាងណាមិញ សម្រាប់យោបល់របស់លោក Neville វិញគឺលោកពិតជាគិតថា Liverpool សមនឹងចាញ់ ហើយខ្សែការពារ Kerkez គឺលេងមិនបានល្អឡើយ៖

"ខ្ញុំគិតថាការលេងរបស់កីឡាករម្នាក់ៗរបស់ខ្សែការពារ Liverpool គឺពិតជាអន់ខ្លាំងណាស់ គឺជាពិសេសទៅលើការសម្រេចចិត្ត។ ខ្សែការពារស្លាបឆ្វេង (Milos Kerkez) មើលទៅដូចមិនទាន់ស៊ាំនឹងក្រុម...គេលេងដូចជាក្មេងអាយុ១០ឆ្នាំអ៊ីចឹង គេនៅគ្រប់កន្លែងទាំងអស់។"

ប្រភព៖: sportskeeda