ជំនួប El Clasico ខាងមុខនេះ Barca ទំនងជាអវត្តមានកីឡាករឆ្នើម ដល់ទៅ៨នាក់ ដោយសាររបួស

កីឡា៖ នាថ្ងៃទី២៦ខែតុលានេះ ការប្រកួតដ៏ជក់ចិត្ត El Clasico រវាង Real Madrid និង Barcelona ជាក្រុមយក្សទាំងពីរនៅអេស្ប៉ាញ នឹងធ្វើឡើងហើយ ប៉ុន្តែមកទល់ពេលនេះ Barcelona កំពុងចួបនឹងបញ្ហាធំមួយគឺរបួសកីឡាករជាច្រើននាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភាគីរបស់លោក Hansi Flick ទំនងជាអវត្តមានកីឡាករឆ្នើមៗដល់ទៅ៨នាក់ បន្ទាប់ពីខ្សែប្រយុទ្ធ Robert Lewandowski ជាកីឡាករចុងក្រោយគេដែលប្រឈមនឹងបញ្ហារបួសត្រង់សាច់ដុំភ្លៅ។

ក្រៅពីនោះ Dani Olmo,  Gavi, Lamine Yamal , Fermain Lopez, Raphinha, Joan Garcia និងអ្នកចាំទី Marc-Andre Ter Stegen គឺសុទ្ធតែរងរបួសនិងទំនងជាមិនអាចជាទាន់ការប្រកួត El Clasico នោះឡើយ។

ការអវត្តមានរបស់ពួកគេធ្វើឲ្យក្លិបមានការព្រួយបារម្ភ ព្រោះវាស្មើនឹងអវត្តមានកីឡាករ៣០ភាគរយទៅហើយដោយលោក Hansi Flick បានទម្លាយថា លោកសង្ឃឹមថា Raphinha និង Fermin Lopez នឹងអាចមានឱកាសបានចូលលេងការប្រកួតនេះ។

ខណៈនោះដែរ Real Madrid ក៏កំពុងចួបនឹងបញ្ហាកីឡាកររបួសជាច្រើននាក់ផងដែរដោយ Dean Huijse , Dani Carvajal, Trent Alexander- Arnold , Antonio Rudiger និង Ferland Menday សុទ្ធតែរងរបួស ប៉ុន្តែកីឡាករសំខាន់ៗដូចជា Kylian Mbappe ជាដើមគឺនៅកំពុងហ្វឹកហាត់ ត្រៀមខ្លួនចួបជាមួយនឹង Barcelona ហើយ៕

ប្រភព៖: beinsports